Aýa raıy
Astana 6 °S
Almaty 4 °S
valıýta baǵamy
USD 389.98
EUR 434.01
RUB 6.10
CNY 55.04

Mınıstr «Qalaýlym» men «Óz oıym» baǵdarlamalaryna qatysty pikir bildirdi

2019 jyldyń 24 sáýir 2019 13:08

NUR-SULTAN. QazAqparat - QR Aqparat jáne qoǵamdyq damý mınıstri Dáýren Abaev «Nur Otan» partııasynda qoǵamdyq qabyldaý ótkizdi. Qabyldaý kezinde «Kel, kelinim», «Qalaýlym»» jáne «Óz oıym» baǵdarlamalary máselesi kóterildi, dep habarlaıdy QazAqparat tilshisi.

Almatydan beınebaılanysqa shyqqan jýrnalıst Bıbigúl Ysqaqova atalǵan jobalardyń jastar tárbıesine keri áser etip jatqanyn jetkizdi.

«Búginde telearnalar reıtıngtiń quly bolyp ketti. Sonyń biri - 7-arnadaǵy «Óz oıym» baǵdarlamasy. Ony túski saǵat 15:00-de kórsetedi. Ol kezde úıde otyrǵan áıelder men apalar kóredi. Balalar da kóredi. Ózim kórip edim, sumdyq baǵdarlama eken. Shetelde talaı ret boldym, túski ýaqytta ondaı masqarany kórgen emespin. Máselen, Reseıdegi «Dom-2»-nyń ózin túnde kórsetedi. Al bizdegi «Óz oıym»-dy túste kórsetip, jynystyq qatynas týraly ashyq aıtady», - dedi B.Ysqaqova.

Osy oraıda jýrnalıst naqty mysaldardy da keltirip, ondaı baǵdarlamalardyń jastar tárbıesine qanshalyqty keri áser etetinin jetkizdi. Búginde kórermender de jıi aryzdanady, ondaı jobalardyń mazmunyna basa nazar aýdarýdy suraıdy.



null

QR Aqparat jáne qoǵamdyq damý mınıstri Dáýren Abaev óz kezeginde jýrnalıstiń azamattyq ustanymyn quptap, ondaı syn-eskertýlerdi jıi aıtý kerektigin jetkizdi.

«Birinshiden, bul jekemenshik arna. Men mınıstr retinde tek terrorızm nemese balalarǵa qarsy bir teris kontent bolsa ǵana aralasyp, ondaı úgit-nasıxatqa áser ete alamyz. Áıtpese, tsenzýra bolyp ketedi. Máselen, qazir sizder maǵan «Óz oıym», «Qalaýlym» sııaqty baǵdarlamalardy nege jappaısyz dep ursasyz da, al osy jerden shyqqannan keıin meni sóz bostandyǵyna shekteý qoıdy dep synaıdy. Sol sebepti bul jerdegi basty másele, kórermenniń qalaýy. Sebebi árbir ata-ananyń qolynda, balanyń qolynda teledıdardyń pýlti bar. Qandaı baǵdarlama kóretinimizdi ózimiz tańdaýymyq qajet. Ekinshiden, ata-analardyń jaýapkershiligi de bar. Balalar qandaı arnany kórip otyr? Qandaı áleýmettik jelilerde otyrady? Osyny ata-analar baqylap otyrýy qajet», - dedi D.Abaev.

Mınıstrdiń sózine qaraǵanda, buǵan deıin 7 arnanyń basshylyǵy men baǵdarlama avtorlarymen kelissózder boldy. Oǵan sáıkes, baǵdarlamalardyń mazmuny durys bolýy kerek.

«Máselen, «Qalaýlym» alaıyq, endi men ózim kórmeımin, biraq maǵan aıtty, qazirgi baǵdarlamalary kúrt ózgertip jatyr. Osy «Qalaýlym» basynda shyqqanda qandaı boldy, qazirgi taqyryptary basqasha. Sol sııaqty «Óz oıym» da birte-birte qalypqa keledi dep oılaımyn», - dep atap kórsetti D.Abaev.




null


null


null

Joǵary qaraı