Aýa raıy
Astana -6 °S
Almaty 11 °S
valıýta baǵamy
USD 389.34
EUR 428.78
RUB 6.05
CNY 55.45

Mınıstr Alakóldi lastaý oqıǵasy týrasynda:  Qonaq úıdi sotqa berdik

2019 jyldyń 16 qazan 2019 13:51

NUR-SULTAN. QazAqparat - QR Ekologııa, geologııa jáne tabıǵı resýrstar mınıstri Maǵzum Myrzaǵalıev Alakólge laı sý aǵyzý oqıǵasy boıynsha túsinik berdi, dep habarlaıdy QazAqparat tilshisi.

«Bul oqıǵaǵa qatysty is sotqa joldanǵan. Biz qyzmetin toqtata turý usynysymen olardy sotqa berdik. Sebebi atalǵan kásiporynda tıisti ekologııalyq ruqsat bolmaǵan. Osy sharalardyń barlyǵy Ákimshilik kodekspen retteledi. Sonymen qatar, buǵan deıin salynatyn aıyppul somasy tym az degen ýáj aıtylǵan bolatyn. Endi qyzmetin toqtata turý boıynsha sotqa bergenimizdi atap ótkim keledi», - dedi M. Myrzaǵalıev Májiliste tilshiler saýalyna jaýap bere otyryp.

Esterińizge sala keteıik, Almaty oblysyndaǵy Alakólge qubyr arqyly laı sý tógilip jatqany buǵan deıin habarlanǵan bolatyn. Áleýmettik jelige taraǵan vıdeo halyqtyń narazylyǵyn týdyrdy.

QR Ekologııa, geologııa jáne tabıǵı resýrstar mınıstri Maǵzum Myrzaǵalıev bul jaǵdaıǵa kináliler jazalanatynyn aıtty.

Alakólge laı sý aǵyzǵan demalys ornyna 75 myń teńge aıyppul salynǵany belgili boldy.

Sondaı-aq, kólge las sý aǵyzǵan qonaqúı jabylýy múmkin ekendigin habarlaǵan bolatynbyz.

Joǵary qaraı