Aýa raıy
Astana 15 °S
Almaty 10 °S
valıýta baǵamy
USD 386.82
EUR 428.67
RUB 5.86
CNY 54.95

Mınıstr 10-synyp oqýshysyn marapattady

2019 jyldyń 18 aqpan 2019 18:38 1798

ASTANA. QazAqparat - QR Іshki ister mınıstri Erlan Turǵymbaev Astanada bes jasar balany qudyqtan alyp shyqqan mektep oqýshysyn marapattady. Mınıstrdiń buıryǵymen Nádir Omarǵazıevke «Tótenshe jaǵdaıdaǵy erligi úshin» tósbelgisi tabystaldy, dep habarlaıdy QazAqparat tilshisi.

«Nádir erlik jasady, eshkimnen kómek suramaı, balany qutqaryp qaldy. Polıtseıler oqıǵa ornynda únemi bola bermeıdi. Osyndaı ýaqytta Nádir sheshim qabyldap, kishkentaı balany qutqardy. Ata-anasyna bergen tárbıesi úshin alǵysymdy bildiremin, mektepke de rızashylyǵymdy aıtqym kelip otyr», -  dedi E.Turǵymbaev marapattaý rásiminde. Osydan keıin mınıstr mektep oqýshysyna tósbelgini taǵyp, estelikke smartfon syılady. Mınıstrdiń aıtýynsha,  Nádir quqyq qorǵaýshy bolǵysy kelse, oǵan Іshki ister mınıstrliginiń akademııasynda arnaıy kvota beriledi.


null 

Shara kezinde Nádir Omarǵazıev te sóz aldy. «Men buny erlik dep sanamaımyn. Menińshe, ótip bara jatqan kez kelgen adam solaı isteıdi dep oılaımyn», - dep atap kórsetti N.Omarǵazıev.

Aıta keteıik, 15 aqpanda №39 mekteptiń oqýshysy Nádir Omarǵazıev bes jasar balany qutqardy.

№39 keshki mekteptiń dırektory Anar Qojahmet te shákirti týraly aıtyp bergen bolatyn. «Nádir Omarǵazıev kópshil, talantty jáne óte tárbıeli bala. Ol kópbalaly otbasynan shyqqan jáne onyń bes baýyry bar. Omarǵazıevter áýleti jaldamaly páterde turady», - dedi Anar Qojahmet.
Onyń aıtýynsha, Nádir án salǵandy unatady jáne tanymal ánshi bolýdy armandaıdy. «Dúısenbi kúni mektepte saltanatty shara uıymdastyrylady. Onda mektep basshylyǵy Nádirdi erligi úshin marapattaıdy», - dedi dırektor. 



null 

null 

null 

null 

null 

Joǵary qaraı