Awa rayı
Astana -12 °S
Almatı 0 °S
valyuta bağamı
USD 376.40
EUR 427.36
RUB 5.86
CNY 56.08

Mïnïstr 10-sınıp oqwşısın marapattadı

2019 jıldıñ 18 aqpan 2019 18:38 946

ASTANA. QazAqparat - QR Іşkі іster mïnïstrі Erlan Turğımbaev Astanada bes jasar balanı qudıqtan alıp şıqqan mektep oqwşısın marapattadı. Mïnïstrdіñ buyrığımen Nädіr Omarğazïevke «Tötenşe jağdaydağı erlіgі üşіn» tösbelgіsі tabıstaldı, dep xabarlaydı QazAqparat tіlşіsі.

«Nädіr erlіk jasadı, eşkіmnen kömek suramay, balanı qutqarıp qaldı. Polïceyler oqïğa ornında ünemі bola bermeydі. Osınday waqıtta Nädіr şeşіm qabıldap, kіşkentay balanı qutqardı. Ata-anasına bergen tärbïesі üşіn alğısımdı bіldіremіn, mektepke de rïzaşılığımdı aytqım kelіp otır», -  dedі E.Turğımbaev marapattaw räsіmіnde. Osıdan keyіn mïnïstr mektep oqwşısına tösbelgіnі tağıp, estelіkke smartfon sıyladı. Mïnïstrdіñ aytwınşa,  Nädіr quqıq qorğawşı bolğısı kelse, oğan Іşkі іster mïnïstrlіgіnіñ akademïyasında arnayı kvota berіledі.


null 

Şara kezіnde Nädіr Omarğazïev te söz aldı. «Men bunı erlіk dep sanamaymın. Menіñşe, ötіp bara jatqan kez kelgen adam solay іsteydі dep oylaymın», - dep atap körsettі N.Omarğazïev.

Ayta keteyіk, 15 aqpanda №39 mekteptіñ oqwşısı Nädіr Omarğazïev bes jasar balanı qutqardı.

№39 keşkі mekteptіñ dïrektorı Anar Qojaxmet te şäkіrtі twralı aytıp bergen bolatın. «Nädіr Omarğazïev köpşіl, talanttı jäne öte tärbïelі bala. Ol köpbalalı otbasınan şıqqan jäne onıñ bes bawırı bar. Omarğazïevter äwletі jaldamalı päterde turadı», - dedі Anar Qojaxmet.
Onıñ aytwınşa, Nädіr än salğandı unatadı jäne tanımal änşі bolwdı armandaydı. «Düysenbі künі mektepte saltanattı şara uyımdastırıladı. Onda mektep basşılığı Nädіrdі erlіgі üşіn marapattaydı», - dedі dïrektor. 



null 

null 

null 

null 

null 

Joğarı qaray