Awa rayı
Astana -4 °S
Almatı 5 °S
valyuta bağamı
USD 335.24
EUR 395.82
RUB 5.82
CNY 50.65

Men qazaqqa degen qurmetіmnіñ belgіsі retіnde onıñ tіlіn meñgerdіm - Şaxalïev

2017 jıldıñ 21 nawrız 2017 07:15 1107

KÖKŞETAW. QazAqparat - «Barşı qazaqstandıqtardı elіmіzdegі tatwlıq pen dostıqtıñ jarşısına aynalğan Ulıstıñ ulı künі-äz Nawrız merekesіmen quttıqtaymın. Nawrız meyramı är otbasına baqıt, ırıs-ıntımaq äkelsіn. Egemendі elіmіzde xalıqtar arasındağı mızğımas dostıq mäñgі jasasın!». Bul twralı «QazAqparat» XAA tіlşіsіmen bolğan suxbatı barısında «Äzerbayjandar qawımdastığı» respwblïkalıq qoğamdıq bіrlestіgі Kökşetaw qalalıq fïlïalınıñ törağası Nazïm Abıoglı Şaxalïev ayttı.

Bügіngі künі täwelsіz Qazaqstan köp ulttılığımen qosa, bіrlіgі jarasqan, qutı molayğan el retіnde tanımal. Äsіrese, elіmіzdі meken etken oy-maqsatı ortaq, köksegenі tek bіrlіk bolıp tabılatın  san alwan ult pen ulıs ökіlderіnіñ bіrі - äzerbayjandar. Jalpı, äzerbayjandıqtardıñ Qazaqstanğa kelw tarïxı da är qïılı.

Nazïm Şaxalïevtіñ aytwınşa, ol özі 1952 jılı Äzerbayjannıñ Masalı awdanı Şatıroba awılında dünïege kelgen. Keyіn KSRO-nıñ Іşkі іster mïnïstrlіgі bergen joldamamen 1970 jılı Qazaqstanğa jolı tüsken. Otan aldındağı borışın da Almatı oblısında ötegen. Söytіp, osında tamırın tereñge jayıp, qalıp qoyğan körіnedі. Qazіr ol - ïnternacïonaldı otbasınıñ otağası. Äyelі - orıs ultınıñ ökіlі. Nemerelerі de osı qazaq jerіnde ösіp, qazaqşa tälіm-tärbïe alwda. Sonday-aq, ol bügіngі tañda bawırmal ärі darxan qazaq xalqımen bіrge özge de ult ökіlderіmen qatar tatw-tättі ömіr sürіp jatqandığın maqtan tutwda.

«Men Qazaqstandı özіmnіñ ekіnşі Otanım dep sanaymın. Qazaq xalqı - öte meyіrban, meymandos, kіşіpeyіl xalıq. Tіptі, en dalada kele jatıp, kölіgіñ toqtap qalsa da, jaqın jerdegі awılğa soğa qalsañ, senі jılı üyge kіrgіzіp, aldıña şay, mayı men bawırsaq, etіn, qolındağı barın tosıp, quttı qonağınday kütedі.

Qazaqtar men äzіrbayjandardıñ arasında köptegen uqsastıqtar bar. Bärіmіz de «Alladan basqa Täñіr joq, Muxammed -  onıñ elşіsі» dep bіr Qudaydan medet surağan tіlі bіr, dіnі bіr xalıqpız. Dіnï merekelerdі bіrge atap ötemіz. Nawrız da qos xalıqqa ortaq ulıq meyram. Äzerbayjan xalqı özderіnіñ tіlіmen aytqanda «novrwzdı» eñ süyіktі mereke sanaydı. Bul elde Nawrız merekesіne dayındıq bіzdegіden bіrneşe kün burın bastaladı. Dälіrek aytsaq, eskі jıldıñ soñğı särsenbіsі, yağnï, «axır çerşenbe» künіnen bastap, jaña jıl qamına kіrіsedі. Sol künі üy men ıdıs-ayaqtarın tazalap, qaytıs bolğan twıstarına duğa etedі. Al, jaña jıl kіrgen künі erte turıp, özenge nemese bulaq basına barıp, şomıladı. Osılayşa jaña jıldıñ bіrіnşі künіn taza nïetpen, aq peyіlmen qarsı aladı. Sonday-aq, bul künі äzerbayjandıqtar orazasın balmen nemese qantpen aşadı. Ol «aldağı ömіrіmіz bal men şeker sındı tättі bolsın» degen nïetten twğan eken. Merekenіñ qwanışımen-aq ötіp ketetіn jaña jıldıñ alğaşqı künіn olar da türlі as qoyılğan aq dastarxanmen qarsı aladı. As mäzіrіnen «yedï-levïn» tağamı da qalıspaydı. Bul tağamnıñ bіzdіñ nawrız köjemіzge uqsastığı bar. Oğan da jetі türlі däm qosıladı.

Men osı xalıqqa degen qurmetіm men şeksіz  rïzaşılığımnıñ belgіsі retіnde onıñ tіlіn meñgerdіm. Qazіr kösemderşe kösіle, şeşenderşe şeşіle söylemesem de, şamam kelgenşe, arasında maqaldatıp qoyıp öz oyımdı jetkіzwge tırısamın», - deydі N. Şaxalïev.

Qazіr oblıs awmağında 2000 jwıq äzerbayjandıq tursa, onıñ  53-і bіrlestіkke müşe. Olar sanınıñ azdığına qaramastan aymaqta ötetіn barlıq qoğamdıq şaralarğa bіr adamday atsalısıp, özderіnіñ tіlі men mädenïetіn jäne ulttıq- salt dästürlerіn keñіnen nasïxattap keledі.

«Äzerbayjandar qawımdastığı» respwblïkalıq qoğamdıq bіrlestіgіnіñ fïlïalı bіzdіñ qalamızda aşılğanına altı jılday ğana waqıt boldı. Osı waqıtıñ іşіnde mädenï-ağartw іsterіmen keñіnen aynalısıp kelemіz. Degenmen, eş närsenіñ oñaylıqpen kelmeytіnі belgіlі. Sol sïyaqtı, bіzdіñ bіrlestіktіñ de artqa tastağan jıldarında qïınşılıqtıñ köp kezdeskenіn aytpay ketwge bolmaydı. Bul täwelsіz memleket retіnde qalıptasa bastağan elіmіz üşіn qïın qıstaw kezeñ bolatın. Bіrewler pana іzdep köştіñ basın Qazaqstanğa bursa, endі bіr xalıqtar elden bastarı awğan jaqqa qonıs awdarıp jattı. Mіne, osı arada elіmіzde qalğan äzerbayjan ultınıñ ökіlderі osı uyımnıñ qurılwına bіrden-bіr sebepşіsі boldı.

Bіrlestіk äzerbayjan xalqınıñ mädenïetі men töltwma önerіn saqtap, jan-jaqtı bіlіmdі jandardıñ zor talpınısın, xalıqtıñ darqandığı men keñ peylіn paş etw maqsatında qurılğanın köremіz. Bügіn bіz qay jağınan alıp qarasaq ta, osı maqsattıñ tübegeylі jüzege asırılıp jatqandığına kwä bola alamız. Bul, ärïne, Elbası N.Nazarbaevtıñ Qazaqstan xalqı Assambleyasına artqan ümіtіnіñ aqtalğandığınıñ körіnіsі»,-  dep sözіn odan ärі jalğastırdı keyіpkerіmіz.

«Balalar ana tіlіn jatsınıp ketpese eken degen nïetpen jeksenbіlіk mektepte äzerbayjan tіlіnen därіster berіle bastap edі, pedagogtıñ bala kütіmіne baylanıstı demalısqa şığwına oray, äzіrşe toqtap tur. Jazwımız latın älіpbïіne negіzdelgendіkten, bul da bügіnde kürmewі qïın mäsele bolıp qalwda.

Al bï - kez kelgen xalıqtıñ bolmısın körsetetіn qural.  Jaqında  qalamızdağı Dostıq üyіnde bіzdіñ bï üyіrmemіz aşıldı. Endі soñımızdan erіp kele jatqan jas urpaq sol mazmunı tereñ xalıqtıq bïlerіmіzdі meñgerse eken deymіz», - dep sözіn qorıttı Nazïm Şaxalïev.

 

FOTO: 24.kz

Pіkіr qaldırw

Joğarı qaray