Awa rayı
Astana -8 °S
Almatı -17 °S
valyuta bağamı
USD 374.20
EUR 420.34
RUB 5.52
CNY 53.78

Memlekettіk satıp alw salasındağı zañ buzwşılıqtar ekі esege artqan

2018 jıldıñ 12 qazan 2018 22:34 283

ASTANA. QazAqparat - Memlekettіk satıp alw salasında zañ buzwşılıqtar ekі esege artqan. Bul twralı «Atameken» UKP janındağı käsіpkerler quqığın qorğaw jäne sıbaylas jemqorlıqqa qarsı іs-qïmıl jönіndegі keñes törağası Qayırbek Süleymenov mälіm ettі, dep xabarlaydı QazAqparat tіlşіsі.

«Ötken jılı keñeste memlekettіk satıp alw salasındağı sıbaylas jemqorlıq mäselesі qaraldı. Onda bïzneske kerі äserіn tïgіzetіn jemqorlıqtıñ jüyelі türdegі alğışarttarı belgіlendі. Ökіnіşke qaray, zañ buzwşılıqtar älі de jalğaswda. Üstіmіzdegі jıldıñ 8 ayında memlekettіk satıp alw boyınşa qılmıstıq quqıq buzwşılıq ötken jılmen salıstırğanda, 2 esege artqan, 2017 jıldı tolıq alğanda bunday kölemde quqıqbuzwşılıq tіrkelmegen», - dedі Qayırbek Süleymenov.

Atap aytsaq, 2017 jılı 61 adam, al osı jıldıñ 8 ayında 267 adam memlekettіk satıp alw salasında qılmıstıq jawapkerşіlіkke tartılğan. 

«Qazіrgі waqıtta Parlamentte memlekettіk satıp alw salasında jemqorlıqtı belgіlі bіr kölemde azaytwğa bağıttalğan zañ jobası qaralwda», - dedі ol.  

Buğan deyіn xabarlağanımızday, bügіn «Atameken» UKP keñesіnde elіmіzdegі 7 bіrdey vakcïna jetkіzwşі kompanïyanıñ mäselesі qaralğan bolatın. Atalğan otırısta memlekettіk satıp alw salasındağı  zañ  buzwşılıqtar da söz boldı.  

 

Avtor: Däwlet Іztіlew
Bastı sözder: Qoğam,
Joğarı qaray