Awa rayı
Astana -4 °S
Almatı -8 °S
valyuta bağamı
USD 367.30
EUR 419.68
RUB 5.58
CNY 52.91

Memlekettіk qızmetşіlerdі іrіktew: A korpwsına rezerv joyıladı

2018 jıldıñ 19 qazan 2018 12:07 607

ASTANA. QazAqparat - Qazaqstanda memlekettіk qızmetşіlerdі іrіktewdіñ bіrqatar erejesі özgeredі, dep xabarlaydı QazAqparat tіlşіsі.

Bul twralı Memlekettіk qızmet іsterі jäne sıbaylas jemqorlıqqa qarsı іs-qïmıl agenttіgіnіñ törağası Alïk Şpekbaev vedomstvanıñ keñeytіlgen alqa otırısında mälіmdedі.

Agenttіk törağası 2018 jıldağı memlekettіk qızmet jağdayı twralı ulttıq bayandama äzіrlenіp jatqanın mälіmdedі jäne ondağı memlekettіk qızmettі damıtwdıñ bіrneşe bağıttarın atap öttі.

«A korpwsına іrіktew tärtіbі qayta qaraladı. Atap aytqanda, A korpwsına rezevtі joyıp, tіkeley konkwrstıq іrіktew jürgіzw usınılıp otır. B korpwsı da üş kezeñdіk іrіktewden ekі kezeñge qısqaradı. Qazіr memlekettіk organnıñ özіnde іşkі konkwrs ötedі, sodan keyіn bükіl memlekettіk qızmet arasında bayqaw jarïyalanadı jäne sodan keyіn ğana özge nïet bіldіrwşіlerdіñ qatısw mümkіndіgі twadı.

Agenttіk törağası keltіrgen mälіmetterge säykes, tağayındawlardıñ 57 procentі memorgannıñ іşkі bayqawı nätïjesіnde, 16 procentі - özge organdardan bolsa, 27 procentіnde - azamattıq sektordan kelgen mamandar tağayındalğan.

«Osını eskere otırıp, tağı da taldaw jürgіzdіk jäne xalıqaralıq täjіrïbelerdі zerttedіk. Nätïjesіnde aldıñğı ekі kezeñdі qısqartwdı uyğarıp otırmız. Bul arqılı konkwrs jürgіzw waqıtın üş esege - 50 künnen 15 künge deyіn qısqartwğa boladı», - dedі Şpekbaev.

Sonımen bіrge, Şpekbaev jaña jıldan bastap, quqıq qorğaw jüyesі men Ulttıq byuronıñ da konkwrstıq negіzge ötetіnіn xabarladı.

«Jaña jıldan bastap, quqıq qorğaw jüyesі men Ulttıq byuro konkwrstıq negіzge awıstırıladı. Odan bölek, quzіrettі jäne talanttı mamandardı kadrlıq sayasat jönіndegі ulttıq komïssïya arqılı konkwrstan tıs tağayındaw mümkіndіgі de qarastırıladı. Osı arqılı batıstıq bіlіmі men täjіrïbesі bar käsіbï mamandardı jeke sekordan memlekettіk qızmetke tarta alamız. Bul jerde älemnіñ üzdіk 500 kompanïyasında jumıs іstegen nemese üzdіk JOO-larınıñ PhD därejesіn alğan mamandar twralı aytıp otırmız», - dep öz sözіn tüyіndedі Alïk Şpekbaev.

 

 

Joğarı qaray