Aýa raıy
Astana 11 °S
Almaty 17 °S
valıýta baǵamy
USD 389.52
EUR 429.21
RUB 6.07
CNY 54.94

Memlekettik qyzmet isteri agenttigi «Suraq-jaýap» vıdeoaıdaryn iske qosty

2019 jyldyń 16 sáýir 2019 16:47

NUR-SULTAN. QazAqparat - QR Memlekettik qyzmet isteri jáne sybaılas jemqorlyqqa qarsy is-qımyl agenttigi Feısbýk pen YouTube-ta «Suraq-jaýap» vıdeoaıdaryn iske qosty, dep habarlaıdy QazAqparat tilshisi atalǵan vedomstvoǵa silteme jasap.

«Áleýmettik jeli búginde qoǵammen kommýnıkatsııanyń mańyzdy arnasyna aınalyp otyr. Oǵan Memleket basshysy da nazar aýdartqan bolatyn. Azamattardyń shynaıy problemalaryn qadaǵalaý, ashyqtyqty qamtamasyz etý maqsatynda Memlekettik qyzmet isteri jáne sybaılas jemqorlyqqa qarsy is-qımyl agenttigi atalǵan tuǵyrnamalarda belsendi jumys júrgizip keledi. Búgingi kúni Feısbýk áleýmettik jelisinde memlekettik organnyń resmı paraqshasymen qatar agenttik tóraǵasy Alık Shpekbaevtyń, qurylymdyq jáne aýmaqtyq bólimshelerdiń basshylarynyń jeke paraqshasy jumys istep tur. Osylaısha, azamattarǵa tikeleı júginý men usynys jasaý úshin múmkinshilik berilgen. Memleket pen qoǵam arasyndaǵy qashyqtyqty qysqartý, sonymen qatar azamattardyń saýaldaryna jaýap berý maqsatynda agenttik vedomstvonyń «Feısbýk» áleýmettik jelisindegi jáne «YouTube» vıdeohostıngindegi resmı paraqshalarynda «Suraq-jaýap» vıdeoaıdaryn iske qosty», - dep atap ótedi agenttiktiń baspasóz qyzmetinen.

Agenttik aqparatyna sáıkes, vıdeoaıdar aptasyna eki ret áleýmettik jelilerdegi resmı paraqshada jarııalanady. Agenttik azamattardan kelip túsken saýaldarǵa tolyqqandy jaýap beredi.

Joǵary qaraı