Aýa raıy
Astana -4 °S
Almaty 1 °S
valıýta baǵamy
USD 388.81
EUR 429.01
RUB 6.08
CNY 55.49

Memleket basshysy Ulttyq qoǵamdyq keńes múshelerimen kezdesti

2019 jyldyń 23 qazan 2019 19:16

NUR-SULTAN. QazAqparat – Memleket basshysy Ulttyq qoǵamdyq senim keńesi múshelerimen kezdesý ótkizdi, dep habarlaıdy Aqorda.

Belgili zańger, advokat Aıman Omarovamen kezdesýde azamattardyń quqyǵyn qorǵaý jáne osy baǵyttaǵy zańnamany jetildirý máseleleri talqylandy. Atap aıtqanda, A.Omarova Qazaqstan Respýblıkasy Qylmystyq Kodeksiniń 130-babynyń qylmystyq mazmunyn ózgertý jáne 174-babyna túzetýler engizý týraly usynys jasady.

Prezıdent Qasym-Jomart Toqaev A.Omarovanyń bastamasynyń mańyzdy ekenin atap ótip, kemsitýshilikke qarsy zańnama normalaryn engizgende sheteldik tájirıbeni qoldaný qajettigin aıtty.

Saıasattanýshy Danııar Áshimbaevpen áńgimelesý barysynda sarapshylar qaýymdastyǵy men jurtshylyqty belsendi tarta otyryp, memlekettik baǵdarlamalardyń júzege asyrylýyna jáne Biryńǵaı jınaqtaýshy zeınetaqy qorynyń jumysyna baqylaýdy kúsheıtý jaıyndaǵy usynystar qaraldy.




Qoǵam qaıratkeri Aýyt Muqıbekpen kezdesý kezinde mıgratsııa jáne kóshi-qon týraly zańnamany jetildirý máseleleri kóterildi. Aýyt Muqıbek Memleket basshysynyń «oralman» sózinen bas tartyp, ony «qandastar» dep ózgertý jónindegi bastamasyn qoldaıtynyn aıtty.




Joǵary qaraı