Aýa raıy
Astana 6 °S
Almaty 18 °S
valıýta baǵamy
USD 389.81
EUR 430.27
RUB 6.06
CNY 54.91

Memleket basshysy belgili frantsýz saıasatkeri Jak Attalıdi qabyldady

2019 jyldyń 21 qyrkúıek 2019 14:54

NUR-SULTAN. QazAqparat –Memleket basshysy belgili frantsýz saıasatkeri, «Attali and Associés» assotsıatsııasynyń prezıdenti Jak Attalıdi qabyldady, dep habarlaıdy Aqorda.

Kezdesý barysynda halyqaralyq kún tártibindegi ózekti máseleler, Eýropa elderiniń Ortalyq Azııamen ózara is-qımyldary, sondaı-aq Qazaqstandaǵy áleýmettik-ekonomıkalyq jańǵyrýlardyń ilgerileýi talqylandy.




Frantsýz saıasatkeri, Eýropalyq qaıta qurý jáne damý bankiniń negizin qalaýshy ári tuńǵysh basshysy Jak Attalı Prezıdent Qasym-Jomart Toqaevqa kezdesý úshin alǵysyn bildirip, qazirgi qubylmaly álemdegi kúrdeli ahýalda Qazaqstan turaqtylyq pen ornyqty damýdy saqtap otyrǵanyn atap ótti.

Memleket basshysy Qazaqstannyń basqa eldermen qarym-qatynasynda árqashan beıbitshil saıasat ustanatynyna, ózara tıimdi yntymaqtastyq pen seriktestikke ashyq ekenine, sondaı-aq sheteldik kapıtaldy tartyp, ınvestıtsııalyq ahýaldy jaqsartý úshin belsendi jumys júrgizip otyrǵanyna basa mán berdi.


Basty sózder: Eýropa, Qazaqstan Prezıdenti, Aqorda,
Joǵary qaraı