Aýa raıy
Astana 9 °S
Almaty 15 °S
valıýta baǵamy
USD 389.52
EUR 429.21
RUB 6.07
CNY 54.94

Májilis ıadrolyq qarýdy satyp alýǵa tyıym salatyn qujatty maquldady

2019 jyldyń 15 mamyr 2019 10:58

NUR-SULTAN. QazAqparat - QR Parlamenti Májilisiniń jalpy otyrysynda «ıAdrolyq qarýǵa tyıym salý týraly shartty ratıfıkatsııalaý týraly» zań jobasy maquldandy, dep habarlaıdy QazAqparat tilshisi.

«Shart buryn tyıym salynbaǵan jappaı qyryp-joıý qarýlarynyń sońǵy túri - ıadrolyq qarýǵa zańdy turǵyda tyıym salatyn tarıhtaǵy alǵashqy halyqaralyq qujat bolyp sanalady. Óz kezeginde ıadrolyq qarýǵa zańdy turǵyda tyıym salý - ıadrolyq qarýdyń tolyq joıylýy úshin qajetti alǵashqy qadam retinde qastyrylyp otyr. Shart ıadrolyq qarý nemese ıadrolyq jarylǵysh qurylǵyny óndirý, synaý, satyp alý, berý, saqtaý jáne óz aýmaǵynda ornalastyrýǵa tikileı tyıym salady. Sonymen qatar, sharttyń erejelerine sáıkes, ıadrolyq qarýdy paıdalanýǵa ári qoldaný turǵysynan qorqytýǵa tyıym salynǵan», - dedi QR Syrtqy ister mınıstriniń orynbasary Erjan Ashyqbaev.

Onyń sózine qaraǵanda, atalǵan shart 2017 jylǵy 20 qyrkúıekten bastap Nıý-Iorktegi BUU Bas Assambleıasynyń 72-sessııasy aıasynda qol qoıylýy úshin ashyldy.

Sonymen qatar, 50 memleket ratıfıkatsııalaǵannan keıin kúshine enetin bolady. Qazirgi ýaqytta shartqa 70 memleket qol qoıdy, 23 memleket ratıfıkatsııalady. Baǵamdar boıynsha sharttyń kúshine enýi 4-5 jylǵa sozylýy múmkin.

«Elbasy Nursultan Nazarbaevtyń 2045 jylǵa qaraı ıadrolyq qarýsyz álem qurý ıdeıasy sózsiz Qazaqstannyń basty syrtqy saıası bastamalarynyń biri bolyp sanalady. Sharttyń tez arada kúshine enýine járdemdesý - bul joǵary mindetke qol jetkizýdiń mańyzdy elementteriniń biri. Qujatty qabyldaý ıadrolyq qarýsyzdaný úrdisinde kóptegen jyldarǵa sozylǵan toqyraýǵa jáne ıadrolyq derjavalardyń bul másele boıynsha ortaq pátýa taba almaýyna jaýap retinde, ıaǵnı ıadrolyq emes memleketter tarapynan qabyldanǵan májbúrli shara retinde qarastyrylýda. Sońǵy eki onjyldyqta ıadrolyq qarýsyzdaný salasynda aıtarlyqtaı progrestiń joqtyǵy baıqalyp otyr. ıAdrolyq synaqtardyń toqtatylýyna qaramastan, qarý-jaraqtyń jańa túrlerin shyǵarý jáne olardy jetkizý quraldaryn jetildirý máselesi áli ózekti. Bul óz kezeginde ıAdrolyq qarýdy taratpaý týraly sharttyń 6-shy babyna qaıshy keledi», - dedi mınıstrdiń orynbasary.

«Semeı synaq polıgonyn jabý týraly Elbasynyń tarıhı sheshimi Qazaqstan halqynyń keń qoldaýyna ıe. Shartty ratıfıkatsııalaý Qazaqstannyń ıadrolyq qarýsyzdaný salasyndaǵy bastamalarymen tolyqtaı sáıkes keledi. Osy zań jobasyn qabyldaý respýblıkalyq jáne jergilikti bıýdjetterden qosymsha qarajat bólýdi talap etpeıdi», - dedi Erjan Ashyqbaev.

Joǵary qaraı