Aýa raıy
Astana 3 °S
Almaty 7 °S
valıýta baǵamy
USD 389.94
EUR 433.50
RUB 6.10
CNY 55.13

Máskeýlik «pre-party» álemniń 56 elinen Dımashtyń jankúıerlerin jınady

2019 jyldyń 22 naýryz 2019 10:20

ASTANA. QazAqparat - Qazaqstandyq ánshi Dımash Qudaıbergenniń álemniń 56 elinen 400-den astam jankúıeri Máskeýde «pre-party»-de bas qosty. Olar súıikti ánshilerin Reseı astanasynyń bas sahnasy sanalatyn Kreml saraıyndaǵy jeke kontserti aldynda qoldaýǵa jınaldy, dep habarlaıdy QazAqparattyń arnaýly tilshisi.

«Pre-party» ınteraktıvti oıyndary, júldeleri, bıi men fleshmoby jáne karaokesi bary qyzyqty baǵdarlamasymen erekshelendi. Dımashtyń jankúıerleri súıikti ánshilerine syılyqtaryn berip, beıneúndeýlerin jazýǵa múmkindik aldy. Qazaqstandyq ánshi shyǵarmashylyǵyna yntymaq jandar úshin Eýrazııalyq fan-klýbtyń TOP Dimash & Dears AWARDS atalymymen marapattaý sharasy da boldy. Dımashtyń jankúıerleri de ánshige jáne onyń ata-anasyna (TOP Dimash & Dears Honored Family, TOP Dimash & Dears The One&Only) ózderiniń nagradalaryn tabystady. Naýryz meıramyna oraı Qazaqstan tarapy arnaıy jaıǵan dastarhannan qonaqtar qazaqtyń dástúrli taǵamdarynan dám tatýǵa da múmkindik aldy.

Jalpy, kesh tosynsyılarǵa toly ótti. Mundaı tosynsyılardyń biri Dımashtyń anasy Svetlana Aıtbaevanyń «Podmoskovnye vechera» ánin oryndaýy edi. Qazaqstandyq ánshiniń Máskeý tórindegi jeke kontsertine qoldaý kórsetý úshin arnaıy kelgen «Qazaqstan» RTRK basqarmasynyń tóraǵasy Erlan Qarın Dımashtyń 29 maýysymda Astana tórinde ótetin kontsertine bıletter oınatýy da kóptegen tosynsyıdyń birine aınalǵany anyq.

Qonaqtar aldynda sóz sóılegen E.Qarın elordada ótetin Dımash kontsertin bas uıymdastyrýshy «Qazaqstan» telearnasy ekendigin aıta kele dımash jankúılerlerin Astanadaǵy fan-kezdesýge shaqyrdy. «Kelesi kezdesý 28 maýsymda Qazaqstanda ótedi. Mindetti túrde kelińizder», - dedi telearna basshysy.

Shara aıasynda «QazAqparat» tilshisine suhbat bergen E.Qarın aldaǵy ýaqytta Astanada ótetin Dımashtyń kontsertine daıyndyq jumystary qalaı júrgizilgenin aıtyp berdi.

«Bul mundaı úlken sharany uıymdastyrýmen baılanysty bizdiń tájirıbemizdegi sırek jaǵdaıdyń biri. Sondyqtan biz jobany Dımashtyń komandasymen eki aı boıy talqyladyq. Talqylaý ótken jyldyń qarashasynda bastaldy. Tehnıkalyq formatyn, tujyrymdamasyn jáne túrli uıymdastyrý máselelerin talqylap, kelistik. Qańtar aıynyń basynda kontserttiń ótetindigin resmı jarııaladyq», - dedi E.Qarın.

Onyń aıtýynsha, aldaǵy ýaqytta ótetin kontserttiń búge-shigesine deıin tyńǵylyqty oılastyrylǵan.

«Bul kezeńde kontserttik uıymdastyrýmen tikeleı aınalysatyn shyǵarmashylyq komanda anyqtaldy. Sonymen qatar tehnıkalyq, uıymdastyrý, dybys jáne horeografııasy syndy barlyq baǵyttar boıynsha biliktiligi joǵar kásibı mamandardy shaqyrdyq», - dedi ol.

Telearna basshysynyń aıtýynsha, Astanadaǵy kontsertte árbir nomer jańa tsıfrlyq tehnologııalardy qoldaný arqyly kórkem qoıylymǵa aınalady. Sonymen qatar ol kontsert bıleti qoljetimdi ekendigin de atap ótti.

«Bılet satý 18 naýryzda bastalyp, búgingi kúni shamamen 50 paıyzy satylyp ketti. Biz Dımashtyń mıllıondaǵan jankúıerimen únemi baılanysyp otyrmyz. Aldaǵy kontsertke álemniń 90-nan astam elinen jankúıerler keletindigin rastady»,- dedi Erlan Qarın.

Aıta keteıik, búgin Máskeýdiń Kreml saraıynda Dımashtyń jeke kontserti ótedi.

Joǵary qaraı