Awa rayı
Nur-Sultan 16 °S
Almatı 16 °S
valyuta bağamı
USD 379.59
EUR 429.43
RUB 5.91
CNY 56.58

Mäskewlіk «pre-party» älemnіñ 56 elіnen Dïmaştıñ janküyerlerіn jïnadı

2019 jıldıñ 22 nawrız 2019 10:20 2626

ASTANA. QazAqparat - Qazaqstandıq änşі Dïmaş Qudaybergennіñ älemnіñ 56 elіnen 400-den astam janküyerі Mäskewde «pre-party»-de bas qostı. Olar süyіktі änşіlerіn Resey astanasınıñ bas saxnası sanalatın Kreml sarayındağı jeke koncertі aldında  qoldawğa jïnaldı, dep xabarlaydı QazAqparattıñ arnawlı tіlşіsі.

«Pre-party»  ïnteraktïvtі oyındarı, jüldelerі, bïі men fleşmobı jäne karaokesі barı qızıqtı bağdarlamasımen erekşelendі. Dïmaştıñ janküyerlerі süyіktі änşіlerіne sıylıqtarın berіp, beyneündewlerіn jazwğa mümkіndіk aldı. Qazaqstandıq änşі şığarmaşılığına ıntımaq jandar üşіn Ewrazïyalıq fan-klwbtıñ TOP Dimash & Dears AWARDS  atalımımen marapattaw şarası da boldı. Dïmaştıñ janküyerlerі de änşіge jäne onıñ ata-anasına (TOP Dimash & Dears Honored Family, TOP Dimash & Dears The One&Only) özderіnіñ nagradaların tabıstadı. Nawrız meyramına oray Qazaqstan tarapı arnayı jayğan dastarxannan qonaqtar qazaqtıñ dästürlі tağamdarınan däm tatwğa da mümkіndіk aldı.

Jalpı, keş tosınsıylarğa tolı öttі. Munday tosınsıylardıñ bіrі Dïmaştıñ anası Svetlana Aytbaevanıñ «Podmoskovnıe veçera» änіn orındawı edі.  Qazaqstandıq änşіnіñ Mäskew törіndegі jeke koncertіne qoldaw körsetw üşіn arnayı kelgen «Qazaqstan» RTRK basqarmasınıñ törağası Erlan Qarïn Dïmaştıñ 29 mawısımda Astana törіnde ötetіn koncertіne bïletter oynatwı da köptegen tosınsıydıñ bіrіne aynalğanı anıq.

Qonaqtar aldında söz söylegen E.Qarïn elordada ötetіn Dïmaş koncertіn bas uyımdastırwşı «Qazaqstan» telearnası ekendіgіn ayta kele dïmaş janküylerlerіn Astanadağı fan-kezdeswge şaqırdı.  «Kelesі kezdesw 28 mawsımda Qazaqstanda ötedі. Mіndettі türde kelіñіzder», - dedі telearna basşısı.

Şara ayasında «QazAqparat» tіlşіsіne suxbat bergen E.Qarïn aldağı waqıtta Astanada ötetіn Dïmaştıñ koncertіne dayındıq jumıstarı qalay jürgіzіlgenіn aytıp berdі.

«Bul munday ülken şaranı uyımdastırwmen baylanıstı bіzdіñ täjіrïbemіzdegі sïrek jağdaydıñ bіrі. Sondıqtan bіz jobanı Dïmaştıñ komandasımen ekі ay boyı talqıladıq. Talqılaw ötken jıldıñ qaraşasında bastaldı. Texnïkalıq formatın, tujırımdamasın jäne türlі uyımdastırw mäselelerіn talqılap, kelіstіk. Qañtar ayınıñ basında koncerttіñ ötetіndіgіn resmï jarïyaladıq», - dedі E.Qarïn.

Onıñ aytwınşa, aldağı waqıtta ötetіn koncerttіñ büge-şіgesіne deyіn tıñğılıqtı oylastırılğan.

«Bul kezeñde koncerttіk uyımdastırwmen  tіkeley aynalısatın şığarmaşılıq komanda anıqtaldı. Sonımen qatar texnïkalıq, uyımdastırw, dıbıs jäne xoreografïyası sındı barlıq bağıttar boyınşa bіlіktіlіgі joğar käsіbï mamandardı şaqırdıq», - dedі ol.

Telearna basşısınıñ aytwınşa, Astanadağı koncertte ärbіr nomer jaña cïfrlıq texnologïyalardı qoldanw arqılı körkem qoyılımğa aynaladı. Sonımen qatar ol koncert bïletі qoljetіmdі ekendіgіn de atap öttі.

«Bïlet satw 18 nawrızda bastalıp, bügіngі künі şamamen 50 payızı satılıp kettі. Bіz Dïmaştıñ mïllïondağan janküyerіmen ünemі baylanısıp otırmız. Aldağı koncertke älemnіñ 90-nan astam elіnen janküyerler keletіndіgіn rastadı»,-  dedі Erlan Qarïn.

Ayta keteyіk, bügіn Mäskewdіñ Kreml sarayında Dïmaştıñ jeke koncertі ötedі.

 

 

 

Perevod: Marlan Jïembay
Bastı sözder: Dïmaş Qudaybergen, Qoğam, Öner, Mädenïet,
Joğarı qaray