Aýa raıy
Astana 6 °S
Almaty 12 °S
valıýta baǵamy
USD 389.59
EUR 429.06
RUB 6.05
CNY 55.07

Mas kúıinde bireýdiń kóligin aıdap áketken kúdikti ustaldy

2019 jyldyń 26 naýryz 2019 02:27

NUR-SULTAN. QazAqparat - Astanalyq polıtseıler mas kúıinde kólik júrgizgen kúdiktini ustady, dep habarlaıdy QazAqparat qalalyq polıtsııa departamentine silteme jasap.

«24 naýryz kúni 22.00 shamasynda jedel basqarý ortalyǵynan «Infiniti FX35» markaly kóliktiń júrgizýshisi jol erejesin óreskel buzyp, mas kúıinde bolý múmkin degen habarlama kelip tústi. Avtokólikti toqtatý kezinde atalǵan júrgizýshi polıtseılerdiń zańdy talaptaryn oryndamaı, jyldamdyqty asyra paıdalanyp, jol qozǵalysynyń basqa da qatysýshylarynyń ómiri men densaýlyǵyna qaýip tóndirgen» delingen habarlamada.

Qorǵaljyn tas joly men Aıagóz kóshesiniń qıylysynda polıtsııa qyzmetkerleri kólikti májbúrlep toqtatýdy sheshti. Tek polıtsııa avtoekıpajymen soqtyǵysqannan keıin ǵana avtokólik toqtady. Saldarynan úsh polıtsııa qyzmetkeri dene jaraqatymen aýrýhanaǵa jetkizildi. «Infiniti FX35» avtokóliginiń júrgizýshisi dárigerlerdiń tekserisinen keıin (keýde qýysynyń soǵylýy) Saryarqa aýdanynyń polıtsııa bólimine jetkizildi.

Jergilikti turǵynǵa tıesili TQS aýmaǵynan avtokólikti aıdap áketken kúdikti - tehnıkalyq qyzmet kórsetý stantsııasynyń 35 jastaǵy qyzmetkeri eken. Medıtsınalyq kýálandyrý aktisine sáıkes, júrgizýshi mas bolǵan. Atalǵan fakti negizinde QR QK 200-baby («Bireýdiń kóligin aıdap ketý») boıynsha sotqa deıingi tergeý júrip jatyr. Ustalǵan azamat ýaqytsha ustaý ızolıatoryna qamaldy.

Basty sózder: Nur-Sultan, Qylmyspen kúres, Oqıǵa,
Joǵary qaraı