Aýa raıy
Astana 27 °S
Almaty 25 °S
valıýta baǵamy
USD 386.82
EUR 428.67
RUB 5.86
CNY 54.95

Mańǵystaýda turǵyndar erekshe kóbelekti kezdestirdi

2019 jyldyń 14 shilde 2019 18:14 260

AQTAÝ. QazAqparat - Turǵyndar kóshede gúlge qonyp júrgen úlken kóbelekti kezdestirip, Facebook jelisine júktegen, dep xabarlaıdy QazAqparat tilshisi.

Keıbir jeli qoldanýshylary kolıbrı qusy ushyp kelgen dep pikir bildirýde.

Kólemi 50 mm-deı bolatyn kóbelekti Túpqaraǵan aýdany, Syǵyndy aýylynyń turǵyndary beınetaspaǵa túsirip alǵan.

Olar kolıbrı qusy bolýy múmkin dep boljaǵan.

Degenmen, bul qus emes, kóbelekter tuqymdasyna jatady (lat. Sphingidae). Alǵash kórgender tropıktik kolıbrıge qatty uqsatýy ábden múmkin, dep jazǵan mamandar. Olardyń jińishke tumsyqtary, shalt qımyldary ǵana emes basqa da kóptegen uqsastyqtary barshylyq.

Kolıbrı kóbelegi uzyn tumsyǵy arqyly gúl shyrynymen qorektenip, osy arqyly ósimdikterdi tozańdandyrýǵa septigin tıgizedi.

Jalpy, bul kóbelek saǵatyna 50 shaqyrym jyldamdyqta usha alady. Tabıǵatta 1000-ǵa tarta túri bar.

Joǵary qaraı