Aýa raıy
Astana -4 °S
Almaty 0 °S
valıýta baǵamy
USD 389.75
EUR 434.26
RUB 6.12
CNY 55.05

Mańǵystaýda oblys ákiminiń birinshi orynbasary qamaýǵa alyndy

2018 jyldyń 6 qarasha 2018 11:46

AQTAÝ. QazAqparat - Mańǵystaý oblysy ákiminiń birinshi orynbasary Serik Amanǵalıev para aldy degen kúdikpen ustalyp, qamaýǵa alyndy, dep xabarlaıdy QazAqparat tilshisi.

Mańǵystaý oblystyq sotynyń baspasóz qyzmetinen málim etkendeı, ákimniń birinshi orynbasaryna memlekettik qyzmet jáne memlekettik basqarý múddesine qarsy asa aýyr sybaılas jemqorlyq qylmysyn jasady degen aıyp taǵylǵan.

«Sybaılas jemqorlyqqa qarsy is-qımyl ulttyq bıýro qyzmetkerleri ony 3 qarasha kúni saǵat 18.40 shamasynda Aqtaý qalasynyń halyqaralyq áýejaıy aýmaǵynda ustady. S.Amanǵalıevtan 115 myń eýro tabyldy. Fakti boıynsha QR Qylmystyq Kodeksiniń 366-baby 3-bóligimen sotqa deıingi tergeý bastaldy», - delingen sot aqparatynda.

Atap ótilgendeı, Aqtaý qalalyq mamandandyrylǵan tergeý sotynyń 5 qarashadaǵy qaýlysymen Amanǵalıev Serik Qaleshulyn eki aı merzimge qamaýda ustaý túrindegi bultartpaý sharasy sanktsııalandy.

Joǵary qaraı