Aýa raıy
Astana -9 °S
Almaty -3 °S
valıýta baǵamy
USD 389.34
EUR 428.78
RUB 6.05
CNY 55.45

Mańǵystaýda 120 otbasy baspanaly boldy

2019 jyldyń 18 qazan 2019 16:40

AQTAÝ. QazAqparat - Qaraqııa aýdany Quryq aýylynda 120 otbasy páterli boldy, dep habarlaıdy QazAqparat tilshisi.

Árqaısysy 24 páterli 5 úı «Nurly jer» baǵdarlamasymen salynǵan. 4 qabatty úıdiń qurylysy 2018 jyly sáýirde bastalǵan.

«Ár páterde 2 bólme bar, olardyń aýmaǵy ártúrli, 53 sharshy metrden 55 sharshy metrge deıin. Turǵyn úıge 835 mln tg jumsaldy. Qarajattyń 10 paıyzy - jergilikti bıýdjetten, 90 paıyzy - respýblıkalyq bıýdjetten bólindi. 5 úıdiń jalpy aýmaǵy - 6755 sharshy metr»,-deıdi Qaraqııa aýdany ákiminiń orynbasary Gúlmıra Qylaýbaeva.

Baspana áleýmettik kópbalaly otbasylar men múmkindigi shekteýli jandarǵa berilgen.

Igi sharaǵa qatysqan oblys ákimi Serikbaı Trumov turǵyndardy qýanyshymen quttyqtady.

«Igilikti istiń kýási bolyp otyrmyz. Bıyl Mańǵystaýda 1 mln 200 myń sharshy metr úı paıdalanýǵa berildi. Quryq aýylynyń bas josparyna sáıkes, balalarǵa bilim beretin mektep salýdy josparlap otyryz. Sýmen qamtý, káriz júıelerin tazalaý boıynsha jobalarymyz bar. Qujattary jasalýda. Munaı izdeý boıynsha da josparlar joq emes. Taǵy bir kompanııa qurylyp, iske kirisip jatyr»,-dedi Serikbaı Trumov.

Baspana alǵan turǵynnyń biri, kópbalaly ana Kúlásh Ómirzaqova tolqyp turǵanyn jasyra almady.

«Qýanyshymda shek joq. 2009 jyly páter kezegine turǵan edim. 10 jyldan soń baspanaǵa qol jetti. Analyq alǵysymdy aıtamyn. Otbasymda 6 bala tárbıelep otyrmyn. Kishisi 1-synypqa barady, úlkeni - 20 jasta»,-dedi kópbalaly ana

Kelesi jyly Qaraqııa aýdany Jetibaı aýylynda 144 páterli turǵyn úıdiń qurylysy josparlanyp otyr. Jobalyq-smetalyq qujattary daıyndalǵan.













Joǵary qaraı