Aýa raıy
Astana -2 °S
Almaty 6 °S
valıýta baǵamy
USD 389.98
EUR 434.01
RUB 6.10
CNY 55.04

Mánerlep syrǵanaý: Elızabet Tursynbaeva óz ónerin Denıs Tenge arnady

2019 jyldyń 24 naýryz 2019 13:33

NUR-SULTAN. QazAqparat - Japonııanyń Saıtama qalasynda mánerlep syrǵanaýdan álem chempıonatynda joǵary oryn alǵandar galabaǵdarlamada óz ónerlerin kórsetti, dep habarlaıdy QazAqparat tilshisi.

Osy álem birinshiliginde kúmis júldeger atanǵan qazaqstandyq Elızabet Tursynbaeva óz ónerin ómirden erte ketken Denıs Tenge arnady.

Elızabet Qazaqstannyń kók baıraǵyn san jarysta bıikke jelbiretip, 2014 jylǵy Sochı Olımpıadasynyń júldegeri atanǵan Denıs Tenge degen qurmetin osylaısha bildirdi.

D.Ten 2013 jylǵy álem chempıonatynda Qazaqstan tarıhynda alǵash ret kúmis júldeger atandy. Sochıden keıin 2015 jyly dúnıejúzilik dodada qola medalge de ıe boldy. 25 jasynda qaraqshynyń qolynan qaza tappaǵanda, Denıstiń alar bıigi az bolmas edi.

Al E.Tursynbaeva qazaq qyzdary arasynda tuńǵysh ret álem chempıonatynyń kúmis júldesin ıelendi. Oǵan qosa Eterı Týtberıdzeniń shákirti osy dúnıejúzilik dodada tórt aınalymdyq salhov elementin alǵash oryndaǵan mánerlep syrǵanaýshy retinde esimin tarıhqa jazdy.

Elızabettiń ákesi Baıtaq Tursynbaevtyń sózine qaraǵanda, qyzy endi jaraqattarynan tolyq emdeledi. Sodan keıin jańa asýlar kútip tur.

Eske sala keteıik, budan buryn Elızabet Tursynbaevanyń álem chempıonatynyń kúmis júldegeri atanǵanyn jazǵan bolatynbyz.

Avtor Eljan Eraly
Basty sózder: Denıs Ten, Sport,
Joǵary qaraı