Aýa raıy
Astana -3 °S
Almaty 1 °S
valıýta baǵamy
USD 388.81
EUR 429.01
RUB 6.08
CNY 55.49

Mamın Elbasyna Nur Otan-nyń Saılaýaldy baǵdarlamasynyń oryndalý barysyn baıandady

2019 jyldyń 18 qazan 2019 17:42

NUR-SULTAN. QazAqparat - QR Premer-Mınıstri Asqar Mamın Elbasy Nursultan Nazarbaevqa jáne «Nur Otan» partııasynyń parlament fraktsııasynyń depýtattaryna atalǵan partııanyń «Qazaqstan-2021: Birlik. Turaqtylyq. Jasampazdyq» Saılaýaldy baǵdarlamasyn oryndaýdyń aralyq qorytyndylary týraly baıandady.

Bul týraly QR Úkimetiniń baspasóz qyzmeti habarlady.

«Nurly jol» baǵdarlamasyn iske asyrýdyń arqasynda Qazaqstan Eýropa men Azııa arasyndaǵy transqurlyqtyq kópirge aınaldy, kólik ınfraqurylymyn jappaı jańǵyrtý júrgizilip jatyr.

«Temir joldardyń ońtaıly jelisi tolyq qalyptastyryldy. Logıstıkalyq ınfraqurylym qurylyp jatyr. Kelesi jyly negizgi tranzıttik avtomobıl dálizderi boıynsha jol júrý qamtamasyz etiletin bolady», — dedi A. Mamın.

Qazirgi ýaqytta barlyq otandyq MÓZ-derdiń jańǵyrtylýy tolyq aıaqtaldy, qýattylyǵy jylyna 500 myń tonna bolatyn polıpropılen óndiretin zaýyt qurylysy bastaldy. Qýattylyǵy 1 mln 250 myń tonna bolatyn polıetılen óndirý jobasyn iske asyrý boıynsha daıyndyq jumystary júrgizilip jatyr.

2018 jyldyń qorytyndysy boıynsha óńdeý ónerkásibindegi eksport kólemi 2016 jylmen salystyrǵanda 21,7%-ǵa artyp, $15,7 mlrd qurady. Al kórsetiletin qyzmetter eksporty 15,8%-ǵa $7,3 mlrd-qa deıin artty. Jalpy, 2016 jyldan beri elimizdegi ónerkásip kólemi 15,7%-ǵa, óńdeý ónerkásibi – 16,3%-ǵa artty. Balamaly energetıka belsendi damyp jatyr, 2016 jyldan beri JEK qýattylyǵy 3,7 esege artyp, a.j. sońyna 87 nysanda 1041 MVt quraıtyn bolady, al 2024 jylǵa qaraı 3 myń MVt quraıdy.

Internetke keńjolaqty qoljetimdilikti qamtamasyz etý boıynsha turǵyndarynyń sany 250-den asatyn 3324 aýyldyq eldi meken (79%) qosylǵan. Qalǵan aýyldarǵa ınternet 2020 jyldyń ishinde júrgiziletin bolady.

Memleket barlyq áleýmettik mindettemelerdi tolyq kólemde oryndaýda. Ataýly áleýmettik kómektiń jańa formaty ázirlenip jatyr. 2020 jyldan bastap mindetti áleýmettik medıtsınalyq saqtandyrý engiziledi. 2016 jyldan qazirge deıin 390 orta bilim beretin mektep, 400-den asa medıtsınalyq nysan salyndy, ınfarkt pen ınsýlt alǵanda kómek kórsetý ortalyqtary quryldy.

«Qazaqstandyqtardy sapaly ári qoljetimdi baspanamen qamtamasyz etý máselesine erekshe kóńil bólindi. 2016-2018 jyldary 34 mln kv m astam turǵyn úı salyndy. Jyl sońyna deıin 13 mln kv m paıdalanýǵa berý kózdelgen. Jańa turǵyn úı baǵdarlamasy ázirlenip jatyr», — dedi A. Mamın.

Qazaqstan kópvektorly syrtqy saıasatty júrgizýdi jalǵastyrýda, negizgi seriktester — Reseı, Qytaı, AQSh, Eýropa Odaǵy, Ortalyq Azııa jáne TMD elderimen strategııalyq ózara is-qımyldy nyǵaıtýda.

Premer-Mınıstr Úkimet pen «Nur Otan» fraktsııasynyń ishki naryqty otandyq óndiristegi azyq-túlik ónimderimen molyqtyrý jónindegi kúsh-jigeri týraly aıtyp berdi — azyq-túlik ónimderiniń negizgi túrlerimen ortasha qamtamasyz etilý 80%-ǵa, keıbir pozıtsııalar boıynsha – 100% jetti.

Ekonomıka salalaryn tsıfrlandyrý aıasynda otyn-energetıka jáne taý-ken metallýrgııasy kesheni kásiporyndarynda jańa tehnologııalar engizilýde. Júrgizilgen jumystardyń nátıjesinde, 2018 jyly ınnovatsııalyq ónim kólemi aldyńǵy jylmen salystyrǵanda 25%-ǵa ósip, 1 trln 179 mlrd teńgeni qurady.

Osy jyldyń 9 aıynyń qorytyndysy boıynsha ósim qarqyny 4,3% qurady, jyl basynda 2,9% boldy. Úkimet negizgi kapıtalǵa salynatyn ınvestıtsııalar kórsetkishin 2025 jylǵa qaraı JІÓ 30% deıin jetkizýdi kózdep otyr. Búgingi tańda 2020-2024 jyldary 41 trln tg ınvestıtsııa tartýǵa múmkindik beretin ınvestıtsııalyq jobalar pýly qalyptastyrylǵan. Atalǵan mindetti sheshý $34 mlrd deıin tikeleı sheteldik ınvestıtsııalar aǵynyn qamtamasyz etedi, bul — 2024 jylǵa qaraı ulttyq ekonomıkanyń 5% ósimin qamtamasyz etýdiń negizgi sharty.

«Nur Otan» partııasynyń saılaýaldy baǵdarlamasy men Ult josparyn tıimdi ári maqsatty iske asyrý bizdiń elimizdiń búgin jáne bolashaqta qarqyndy ári sapaly damýy úshin berik negiz qalaıdy. Árbir is-shara qazirgi Qazaqstannyń damýy úshin asa mańyzdy máselelerdi sheshedi», — dedi A. Mamın.

Joǵary qaraı