Aýa raıy
Astana 5 °S
Almaty 7 °S
valıýta baǵamy
USD 389.81
EUR 430.27
RUB 6.06
CNY 54.91

Malǵa arnalǵan qulaq syrǵalary óz elimizde shyǵarylady

2019 jyldyń 23 mamyr 2019 11:16

NUR-SULTAN. QazAqparat - Búgin QR Aýyl sharýashylyǵy vıtse-mınıstri Gúlmıra Isaeva «Atameken» Ulttyq kásipkerler palatasy ókilderimen birge veterınarlyq maqsattaǵy buıymdardy daıyndaýǵa mamandanǵan «Biryńǵaı shoǵyrlandyrýshy ortalyq» JShS jáne ZTOWN Development qazaqstandyq óndiristik nysandaryn aralady. Qonaqtarǵa qulaq syrǵalary óndirisiniń tolyq tsıkly kórsetildi, dep habarlaıdy QazAqparat aýyl sharýashylyǵy mınıstrliginiń baspasóz qyzmetine silteme jasap.

Qulaq syrǵalary - janýarlardy tańbalaý salasyndaǵy qazirgi zamanǵy konstrýktsııa. Zaýyttarǵa barǵan delegatsııa óndiris protsesinde qoldanylatyn shıkizat pen materıaldardyń sapasyna, sondaı-aq sapany baqylaýdy qamtamasyz etýge jáne belgilengen halyqaralyq standarttar men talaptarǵa sáıkestigine qatysty kóptegen máselelerge qyzyǵýshylyq tanytty.

«Agrarlyq vedomstvo úshin aýyl sharýashylyǵy janýarlaryn sáıkestendirý erekshelikterin bilý mańyzdy, sonymen qatar QR AShM bekitken Aýyl sharýashylyǵy janýarlaryn sáıkestendirý erejesine sáıkes, ondaı quraldar men buıymdar ICAR janýarlardy esepke alý jónindegi halyqaralyq komıtette sertıfıkattalýy tıis»,- dedi G.Isaeva.

Aıta keteıik, 2018 jyly aýyl sharýashylyǵy janýarlaryn sáıkestendirý úshin 15 883 452 dana qulaq syrǵasy satyp alyndy jáne jergilikti atqarýshy organdarǵa berildi. Onyń ishinde ІQM-3 166 416 dana; UMM-11 323 346 dana; túıeler - 42 546 dana; shoshqalar - 1 351 144 dana.

Satyp alynǵan qulaq syrǵalary 2018 jyly barlyq aýyl sharýashylyǵy malynyń tólin 100 paıyz sáıkestendirýge múmkindik berdi.

Joǵary qaraı