Aýa raıy
Astana 16 °S
Almaty 24 °S
valıýta baǵamy
USD 384.52
EUR 431.32
RUB 6.10
CNY 55.89

Maǵzum Myrzaǵalıev jańa qurylatyn mınıstrlikti basqarýy múmkin

2019 jyldyń 17 maýsym 2019 13:44 1497

NUR-SULTAN.QazAqparat - Búgin Májilistiń Ekologııa máseleleri jáne tabıǵat paıdalaný komıtetiniń otyrysy ótip, depýtattar Ekologııa, geologııa jáne tabıǵı resýrstar mınıstri laýazymyna taǵaıyndaý týraly Maǵzum Myrzaǵalıevtyń kandıdatýrasymen kelisti. Bul týraly Parlament Májilisiniń baspasóz qyzmeti habarlady.

Bul másele «Qazaqstan Respýblıkasynyń Parlamenti jáne onyń depýtattarynyń mártebesi týraly» Qazaqstan Respýblıkasy Konstıtýtsııalyq zańynyń 22-1-babyna sáıkes Komıtet otyrysynda qaraldy.

Premer-Mınıstrdiń tapsyrmasy boıynsha kandıdatty Premer-Mınıstr Keńsesiniń Basshysy Ǵalymjan Qoıshybaev tanystyrdy.

Májilistiń Ekologııa máseleleri jáne tabıǵat paıdalaný komıtetiniń músheleri M.Myrzaǵalıevke birqatar suraqtar qoıdy.

Qazaqstan Respýblıkasy Parlamenti Májilisi Ekologııa máseleleri jáne tabıǵat paıdalaný komıtetiniń otyrysynyń qorytyndysy boıynsha «Qazaqstan Respýblıkasynyń Parlamenti jáne onyń depýtattarynyń mártebesi týraly» Qazaqstan Respýblıkasy Konstıtýtsııalyq zańynyń 22-1-babyna sáıkes Qazaqstan Respýblıkasynyń Premer-Mınıstri usynǵan Maǵzum Maratuly Myrzaǵalıevtyń kandıdatýrasy Ekologııa, geologııa jáne tabıǵı resýrstar mınıstri laýazymyna taǵaıyndaý úshin usynyldy.

Otyrys sońynda depýtattar kandıdatqa aldaǵy jumysynda tabys tiledi.

 

 

 

Basty sózder: Taǵaıyndaý, Parlament,
Joǵary qaraı