Aýa raıy
Astana 0 °S
Almaty 6 °S
valıýta baǵamy
USD 389.86
EUR 435.32
RUB 6.12
CNY 55.12

Mádenıet qyzmetkerleriniń jalaqysyn kóterý úshin Úkimet qaýlysy ázirlendi - mınıstr

2019 jyldyń 19 qyrkúıek 2019 16:54

NUR-SULTAN. QazAqparat - Búgin QR Mádenıet jáne sport mınıstri Aqtoty Raıymqulova Almaty oblysynyń Qarasaı aýdanyndaǵy «Úshqońyr» sport mektebine bardy, dep habarlaıdy QazAqparat tilshisi.

Atalǵan mınıstrliktiń málimetinshe, onda Aqtoty Raıymqulova jergilikti turǵyndarmen kezdesip, prezıdent Qasym-Jomart Toqaevtyń «Syndarly qoǵamdyq dıalog – Qazaqstannyń turaqtylyǵy men órkendeýiniń negizi» Joldaýy, mańyzdy qujatta kórsetilgen mindetterdi júzege asyrý jaıynda aıtyp berdi. Memleket basshysynyń Joldaýynda buqaralyq sportty damytýdyń mańyzyna erekshe mán berilgeni belgili. Prezıdent ásirese «sport ınfraqurylymynyń balalar úshin barynsha qoljetimdi bolýyn qamtamasyz etý kerek» degen edi. Mádenıet jáne sport mınıstri «Úshqońyr» mektebi osy mindetti júzege asyrýǵa úles qosyp jatqanyn aıta kele, sport salasynda júrgizilip jatqan jáne josparlanyp otyrǵan jumystardyń qorytyndysy boıynsha 2025 jylǵa qaraı elimizde dene shynyqtyrý jáne sportpen shuǵyldanýshylardyń sanyn 35 paıyzaǵa deıin arttyrýǵa bolatynyn jetkizdi. Byltyrǵy jyldyń qorytyndysyna sáıkes, eldegi sportpen júıeli túrde aınalysatyndar sany 5,4 mıllıon adamnan asqan.





Mınıstr sondaı-aq Joldaý sala qyzmetkerleriniń áleýmettik jaǵdaıyn jaqsartýǵa da múmkindik beretinin aıtty.

«Mádenıet jáne sport mınıstrligi 2020 jyldan bastap mádenıet jáne óner qyzmetkerleriniń jalaqysyn arttyrý úshin Úkimettiń tıisti qaýlysyn ázirledi, ol jyl sońyna deıin qabyldanady. Mádenıet salasyna tikeleı qatysy bar adam retinde osy jalaqyny arttyrý máselesiniń sheshilýin qanshalyqty kútkenimizdi túsinemin», - dedi ol.

Aıta keteıik, Qazaqstan Respýblıkasynyń Tuńǵysh Prezıdenti – Elbasy Nursultan Nazarbaevtyń qoldaýymen osydan 3 aı buryn ashylǵan «Úshqońyr» sport kesheninde sporttyń 16 túri boıynsha úıirmeler jumys isteıdi. 2 basseın bar. Balalar erkin kúres, dzıýdo, boks, voleıbol, jeńil atletıka, taekvando men úlken tennıs syndy olımpıadalyq sport túrlerinen jattyǵady. 45 jattyqtyrýshy qyzmet etetin mekemede 2 myńǵa jýyq sportshyny daıyndap shyǵarýǵa múmkindik bar. Elbasy N.Nazarbaev bul keshennen bolashaq olımpıada jeńimpazdary túlep shyǵatynyna senim bildirgen edi.





Joǵary qaraı