Aýa raıy
Astana -10 °S
Almaty 6 °S
valıýta baǵamy
USD 389.98
EUR 434.01
RUB 6.10
CNY 55.04

Lıposaktsııadan ólgen áıel: Hırýrg sot aldynda jaýap berip jatyr

2018 jyldyń 12 qazan 2018 15:41

ALMATY. QazAqparat - Almaly aýdandyq sotynda plastıkalyq otadan kóz jumǵan ýkraınalyq azamatshanyń ólimine qatysty sot isi qaraldy, dep habarlaıdy QazAqparat tilshisi.

Qaıǵyly oqıǵa osydan eki jyl buryn Almatydaǵy jekemenshik emhanalardyń birinde bolǵan. Marqum Dana Agamýradova BAÁ-nen plastıkalyq ota (lıposaktsııa) úshin Almatyǵa arnaıy ushyp kelgen.

«Ol BAÁ-nen Almatyǵa 2016 jyldyń 26 qańtarynda ushyp keldi. Birikken ámirlikterde kosmetıkalyq kompanııada jumys isteıtin. 29 qańtar kúni «Tsentr estetıkı Olgı Rýbas» klınıkasymen hırýrgııalyq operatsııa jasaýǵa kelisti. Osy kúni plastıkalyq hırýrg Pısarev ota jasady. Operatsııadan keıin arada 6 saǵat ótkende Dana Agamýradova qaıtys boldy. Qylmystyq is 2 jyl boıy júrgizilip keledi», - dedi zardap shegýshi taraptyń advokaty Gúlmıra Buralhıeva.

Advokattyń aıtýynsha, qylmysty dáleldeý úshin júrgizilgen saraptamalar saldarynan is eki jyl boıy sozylyp keldi.

«Qazir otany jasaǵan dáriger aıyptalyp otyr. Ol kəsibı mindetterin durys oryndamaǵany úshin qylmystyq is qozǵaldy», - dedi advokat.

Onyń sózinshe, ota jasalǵan klınıka dırektory óz kinásin moıyndap, oǵan qarsy úkim shyǵarylǵan. Іs shekteýli merzimge baılanysty jabyldy.

Sondaı-aq, zardap shekken tarap materıaldyq jáne moraldyq zardap úshin ótemaqy suraýǵa nıetti. Sebebi, qaza tapqan azmatshanyń Ashhabadta jas qyzy men ájesi qaldy.

Dana Agamýradova Almaty oblysy Іle aýdanynda jerlendi, al týystary marqumnyń denesin otanyna qaıtara almaǵan.

«Klınıka keshirim suraǵan joq, tipti Dana Agamýradovany jerleýge materıaldyq kómek te kórsetpegen. Olar Agamýradovanyń operatsııaǵa tólegen 2 myń dollar qarjysyn qaıtarmady. Osy ýaqyt ishinde olar marqumnyń týystarymen baılanysýǵa tyryspaǵan», - deıdi qorǵaýshy.

Osy is boıynsha plastıkalyq hırýrg Dmıtrıı Pısarevke QR Qylmystyq kodeksiniń 317-baby 3-bólimi boıynsha aıyp taǵyldy.

Búgingi sot otyrysyna prokýror kelmegen. Sondyqtan, sýdıa protsesti keıinge qaldyrýǵa májbúr boldy. Kúdiktiniń advokaty BAQ ókilderine túsinikteme berýden bas tartty.

Joǵary qaraı