Awa rayı
Astana -13 °S
Almatı -7 °S
valyuta bağamı
USD 369.01
EUR 416.39
RUB 5.53
CNY 53.18

Qızılordanıñ tüyelerі Bіrіkken Arab ämіrlіkterіne eksporttala bastadı

2018 jıldıñ 19 qazan 2018 17:49 1117

QIZILORDA. QazAqparat - Qızılordalıq tüyeler Bіrіkken Arab Ämіrlіgіne eksporttala bastadı. Bul - nar men qos örkeştі tüyelerdі bwdandastırw nätïjesіnde alınğan tüye tuqımı, dep xabarlaydı QazAqparat tіlşіsі.

Arab tübegіnde oysılqara tuqımına suranıs joğarı. Atalmış awmaqtağı tabïğï jağday qatal. Onda kün aptap ıstıq. Aynala - swsız şöl dala. Osığan baylanıstı jergіlіktі jurt süt jäne et bağıtında tüye ösіrwdі közdeydі. Munday tüye tuqımı bіzdіñ elіmіzde köp kezdesedі. Osı maqsatta arab käsіpkerlerі älemnіñ bіrneşe memleketіnde bolğan. Bärіn tarazılay kele, Sır öñіrі tüyelerіnіñ özderіne qolaylı ekenіne köz jetkіzgen.

«Olar bіrіnşі kezekte 45 oysılqara tuqımın satıp alwğa toqtam jasap otır. Sol maqsatta arnayı uşaq ta jaldağan. Jıl soñına deyіn tağı 100 tüye äwe kemesі arqılı Arab tübegіne jol tartadı. Sonday-aq, olar Sır öñіrіnen 1000 bas qoy tülіgіn de ala ketpek»,-deydі oblıstıq awıl şarwaşılığı basqarması basşısınıñ orınbasarı Pіrmuxammed Sızdıqov.

Alğaşqı jartı jıldıqta oblıstan sırtqa şığarılğan awıl şarwaşılığı önіmderіnіñ qunı 18 mln AQŞ dollarınan asqan. Eksporttıq älewet bıltırğı körsetkіşpen salıstırğanda 3 payızğa ösken.

«Soñğı jıldarı oblısta et eksportı artıp keledі. Mäselen, Şımkent qalasındağı et kombïnatı arqılı 1600 bas qoy etіn Ïranğa jіberdіk. Sol et kombïnatı arqılı tağı 3000 bas qoy etіn eksportqa şığarwdı josparlap otırmız», - deydі Pіrmuxammed Sızdıqov.

Qızılordada Ïranğa kürіş eksporttaw іsі jolğa qoyılğan. Osı maqsatta Sır dïqandarı ïrandıq kürіş sorttarın ösіre bastadı. Sonday-aq, et eksportı bağıtında da bіrqatar jobalar qolğa alındı

 

 

Joğarı qaray