Awa rayı
Nur-Sultan 5 °S
Almatı 9 °S
valyuta bağamı
USD 379.86
EUR 422.97
RUB 5.85
CNY 56.33

Qızılordalıq ustaz şäkіrtterіne ağaş buyımdarın jasawdıñ qır-sırın üyretwde

2018 jıldıñ 9 jeltoqsan 2018 09:23 965

QIZILORDA. QazAqparat - Qızılorda oblısı Aral awdanına qarastı Jaqsıqılış kentіnde turatın Älnur Jarqınbaev balalarğa arnalğan ağaş oyınşıqtar jasawmen aynalısadı, dep xabarlaydı QazAqparat tіlşіsі.

Älnur Jarqınbaev Jaqsıqılış kentіndegі №19 orta mektepte sabaq beredі. Ol mektepte qolöner üyіrmesіn aşwğa uyıtqı boldı. Qazіr üyіrmege qatısıp jürgen örender qatarı köp. Olar ağaş buyımdarın jasawdıñ qır-sırına qanığıp keledі. Qolöner şeberі öz şäkіrtterіmen bіrge köptegen dünïelerdі jasap şıqtı. Atalmış buyımdar oblıstıq jäne awdandıq körmelerge qoyıldı. Sol orındarda xalıqtıñ joğarı bağasın alıp ülgerdі.

«Rasında, bul öner kenje qalıp keledі. Oğan şıdamdılıq pen tözіmdіlіk qajet. Sondıqtan oğan köbіmіz nazar awdara bermeytіn boldıq», - dedі Älnur Jarqınbaev. 

Üyіrmede jasalğan dünïeler körmelerde öz tutınwşısın tawıp jatadı. Satılğan dünïeler aqşasına mektepke qajettі jabdıqtar aladı. Jas örender atadan amanatqa aynalğan qolönerdіñ qır-sırın qanığwğa tırısıp jür.

«Qazaqta «Şıdamı jetken şeber bolar» degen ğïbrattı söz aytılğan. Köne kezeñnen berі bіzdіñ babalarımız san alwan buyımdardı qolmen jasay bіldі. Ol bügіngі künge jetіp, jas urpaqtıñ boyında jarqırap keledі. Men özіm üyrengendі balalardıñ zerdesіne toqwğa tırısıp kelemіn. Solardıñ bіrі - ağaştan jasalğan oyınşıqtar», - dedі qolöner şeberі. 


null 

Şeberdіñ qolınan şıqqan dünïeler közdіñ jawın aladı. Ol balalarğa zïyansız dünïeler jasap jürgenіn ïgіlіktі іs retіnde bağalaydı. Sonday-aq, ol ärbіr dünïesіn qızğılıqtı etіp jasap şığwğa nazar awdaradı.

«Qazіr bazarğa barsañ san alwan oyınşıqtardan köz sürіnedі. Degenmen olardıñ basım bölіgі derlіk bala densawlığına zïyandı zattardan jasalğan. Bul jayında qazіr aşıq aytılıp ta, jazılıp ta jür. Men sapalı dünïe jasawğa köñіl böldіm. Qazіr balalardı qızıqsız zattarğa tarta almaysıñ. Sondıqtan men ärbіr jasağan oyınşıqtıñ dïzaynına nazar awdaramın. Onıñ qızıqtı bolwına erekşe köñіl bölemіn», - dedі Ä. Jarqınbaev.


null 

Qolöner şeberі ağaştan ertegі keyіpkerlerі, uşaq, jan-janwarlar äne özge de dünïeler jasaydı. Qazіr munday dünïelerdі tek körmelerde el nazarına usınıp keledі. Keleşekte onı odan ärі jetіldіrіp, öz іsіn keñeytwdі közdep otır. Sonday-aq, türlі dıbıs şığaratın, jarıq beretіn fwnkcïyalardı qoswğa nïet tanıtıp jür.

Sonday-aq, qolöner şeberі qazaqtıñ özge de buyımdarın jasawmen aynalısadı. Olardıñ qatarında dombıra, ağaş tabaqtar jäne özge de bağalı dünïeler bar.

Budan burın Qızılorda oblısında kіlem toqıp sal awrwınan jazılğandar bar ekenіn xabarlağan edіk.   

 

 

Avtor: Ädіljan Ümbet
Bastı sözder: Qızılorda oblısı, Mädenïet,
Joğarı qaray