Awa rayı
Nur-Sultan 5 °S
Almatı 20 °S
valyuta bağamı
USD 378.90
EUR 422.74
RUB 5.87
CNY 54.80

Qızılordalıq sportşı Azïya çempïonı atandı

2019 jıldıñ 23 qañtar 2019 18:24 1241

QIZILORDA. QazAqparat - Qızılordalıq Farabï Sawıtbaev ämbebap jekpe-jekten ötken qısqı Azïya çempïonatında altınnan alqa taqtı, dep xabarlaydı QazAqparat tіlşіsі.

Azïya çempïonatı Özbekstan astanası - Taşkent qalasında öttі. Ol 65 kelі salmaq därejesіnde sınğa tüstі. Jarıs barısında qarsılastarınıñ barlığın tіze büktіrdі. Qızılordalıq sportşı  Awğanstan, Täjіkstan jäne Özbekstannan kelgen qarsılastarın jeñdі.

F.Sawıtbaev 1993 jıldıñ 19 qazanında Qızılorda oblısı Aral awdanında dünïege kelgen. Ämbebap jekpe-jekten Qazaqstan Respwblïkasınıñ xalıqaralıq därejedegі sport şeberі. Ol bıltır älem çempïonatında kümіs jüldegerі atanğan edі.

Qazіrgі tañda №19 Aral awdanınıñ olïmpïadalıq rezervtіñ mamandandırılğan balalar-jasöspіrіmder mektebіnde tälіm aladı. Onıñ bapkerі - Bawırjan Jüsіpov.

«Bïıl 8-10 mamır künderі Qızılorda qalasında ämbebap jekpe-jekten el bіrіnşіlіgі ötkіzіledі. Oğan Farabï Sawıtbaev jäne oblıstan özge de jastar qatısadı», - dedі ämbebap jekpe-jekten oblıstıñ ağa jattıqtırwşısı Nurbek Jarmaxanov.

Atalmış dodağa Azïyanıñ 10 elіnen sportşılar keldі. Qazaqstan quraması komandalıq esepte 3-orınnan körіndі. 

 

 

Joğarı qaray