Aýa raıy
Astana 13 °S
Almaty 19 °S
valıýta baǵamy
USD 386.70
EUR 427.15
RUB 6.06
CNY 54.57

Qyzylordalyq ártister Ózbekstanda «Narkom Júrgenov» spektaklin sahnalady

2019 jyldyń 19 tamyz 2019 22:11

QYZYLORDA. QazAqparat - Qyzylorda qalasyndaǵy N. Bekejanov atyndaǵy drama teatrdyń ártisteri Tashkent qalasynda belgili qalamger Raqymjan Otarbaevtyń «Narkom Júrgenov» spektaklin sahnalady, dep habarlaıdy QazAqparat tilshisi.

Іs-shara Tuńǵysh Pezıdent - Elbasy Nursultan Nazarbaevtyń «Bolashaqqa baǵdar: rýhanı jańǵyrý» baǵdarlamasy sheńberinde Ózbekstan Respýblıkasyndaǵy Qyzylorda oblysynyń mádenı kúnderi aıasynda uıymdastyryldy. Teatr saparynyń maqsaty - memleketaralyq dostyqty nyǵaıtý, qazaq jurtynyń mádenı murasyn, ulttyq ónerin nasıhattaý.

Aıta keteıik, Qyzylorda oblysynyń Mádenı kúnderi aıasynda ózbek elinde «Ortalyq Azııa men Qazaqstannyń bilimi men mádenıetin damytýdaǵy Temirbek Júrgenovtiń jasampazdyq joly» taqyrybynda dóńgelek ústel otyrysy ótti. Sondaı-aq, Navoı qalasynda «Syrdarııa - dostyq arnasy» atty Syr eli óner sheberleriniń kontserti uıymdastyryldy. Kontsertke Turmaǵambet atyndaǵy halyq aspaptar orkestri qatysty. Mádenı shara barysynda halyqaralyq, respýblıkalyq konkýrstardyń jeńimpazdary, Syr óńiri jyraýlyq óneriniń ókilderi men «Tomırıs» bı ansambli óner kórsetti. Merekelik dýman barysynda Qorqyt, Túrkesh, Qurmanǵazy, Álshekeı syndy dala kompozıtorlary men kásibı kompozıtorlardyń týyndylary, álemdik klassıkalyq shyǵarmalar men qazaq jáne ózbek halyqtarynyń bı qoıylymdary tartý etildi.





«Ózbek elindegi Qyzylorda oblysynyń kúnderi aıasynda ótkizilgen sharalarǵa jergilikti jurtshylyq tarapynan rızashylyq bildirildi. Olar Qazaqstannyń, onyń ishinde Syr óńiri óner sheberleriniń týyndylaryna, olardyń akterlik sheberlikterine zor qurmet bildirdi», - dedi Qyzylorda oblystyq Mádenıet, arhıvter jáne qujattama basqarmasynyń basshysy Mıra Ábýova.

Budan buryn Ózbekstanda Qyzylorda oblysynyń Óner kúnderi ótkiziletinin habarlaǵan edik.








Joǵary qaraı