Awa rayı
Nur-Sultan 16 °S
Almatı 16 °S
valyuta bağamı
USD 379.59
EUR 429.43
RUB 5.91
CNY 56.58

Qızılordadağı ІT-park jastarğa jaña mümkіndіkter aşadı

2019 jıldıñ 7 nawrız 2019 18:24 3579

QIZILORDA. QazAqparat - Qızılorda oblısında aşılğan ІT-park jastardıñ startap-jobaların äzіrleytіn ortalığına aynaldı. Jastar atalmış ortalıqta öz jobaların jüzege asırw üşіn ïnvestor tarta aladı, dep xabarlaydı QazAqparat tіlşіsі.

Elbası Joldawında jaña texnologïyalardı meñgerwge basa nazar awdarw mäselesі tïіstі sala mamandarına jüktelgen. Osığan oray, Sır öñіrіnde jaña zaman talabına say jobalardı jüzege asırwğa erekşe nazar awdarılıp keledі. ІT-park sonday ïgі іstіñ bіrі bolıp tabıladı. Qazіrgі tañda oblısta jaña texnologïyalardıñ sırın tüsіne bіletіn jaña bwın ökіlderіnіñ qatarı arta tüstі.

Qızılorda oblısınıñ basşılığı Tatarstan Respwblïkasınıñ astanası - Qazan qalasındağı ІT-park qızmetіn zerdelep qaytqan edі. Munday jañaşıl jobalardı Qızılorda oblısında da qolğa alw mümkіndіgі zertteldі. Bügіngі tañda bükіl älem jurtşılığı köz tіgetіn jaña texnologïya salasın meñgergen talanttı jastar Sır öñіrіnde de az emes. Talabı tawday talanttardı toğıstıratın arnayı ortalıq aşw arqılı olardıñ jobaların jüzege asırwğa zor mümkіndіk twatını belgіlі.

«Atalmış ïgіlіktі іstі elіmіzdegі cïfrlandırw bağdarlaması ayasında qolğa alıp otırmız. Negіzgі maqsatımız - talanttı jastardı qoldaw. Qazіrgі künderі ІT-park arqılı jastarğa ïnnovacïyalıq jobalardı jüzege asırwğa barlıq mümkіndіk bar. Munda laborotorïyalıq sïmwlyator,  2D, 3D grafïkalıq jobalardı äzіrlewge nazar awdarılıp otır. Nätïjesіnde jobalardı äzіrlew men öndіrіstegі qoldanısın testіlewge, aqparattıq-bağdarlamalıq önіmder jasap şığarwğa, öndіrіs jäne oblıs damwınıñ salaların avtomattandırwğa jäne olarğa qızmet körsetwge qolaylı jağday jasaladı», - dedі oblıstıq cïfrlıq texnologïyalar basqarmasınıñ basşısı Ïndïra Aqjіgіtova.

Soñğı jıldarda Qızılorda oblısında «HackDay» ïdeyalar festïvalі jüyelі türde ötkіzіlіp keledі. Qızılorda oblısı äkіmdіgіnіñ qoldawımen ötkіzіletіn atalmış іs-şara öz tïіmdіlіgіn däleldep ülgerdі. Festïval Sır öñіrіndegі jobalıq basqarw ayasında qolğa alınğan. Festïval barısında oğan qatıswşılar jaña ïdeyalarımen bölіstі. Eñ qızıqtı jobanı qurıp, jaña täjіrïbege jol aşatın şara barısında jastardıñ köptegen jañaşıl іsterі el nazarına usınıldı. Awqımdı şara barısında 500-ge tarta jas qatısıp, olar aqparattıq texnologïya, kïno jäne vïdeo, kontent jäne medïa-sekcïya boyınşa bіlіktіlіgіn arttırdı. Festïvalde usınılğan köptegen jobalar mamandar tarapınan joğarı bağalandı.

«Bïıl Jastar jılınıñ ayasında jas bwın ökіlderіne köptegen qoldaw jasalatın boladı. Olardıñ ğılımğa degen qızığwşılığın arttırwğa, öz qabіletіn körsetwge mümkіndіk jasalıp otır. 2017 jılı «HackDay» ïdeyalar festïvalіn ötkіzw aldında oğan 100-ge tarta jas jetkіnşekter qatısadı dep josparlağan edіk. Nätïjesіnde 500-ge jwıq jas öz jobasın usındı. Bïıl osı şaralardıñ bіrі retіnde bağdarlamalaw mektebіn aşwdı josparlap otırmız. Atalmış mekteptіñ negіzgі maqsatı - jastarımızdıñ bіlіm deñgeyіn reseylіk oqw bağdarlaması negіzіnde köterw bolıp tabıladı. Ol mekteptіñ aşılwın 9 nawrızğa josparlap otırmız», - dedі Ïndïra Aqjіgіtova.


null 

Sır öñіrіnde ІT jobalar boyınşa köptegen іs-şaralar qolğa alınıp otır. Bügіngі künge deyіn bul maqsatta 36 іs-şara ötkіzіldі. Onıñ іşіnde 3 meetup, 1 şeberlіk därіsі ötkіzіldі. Sonday-aq, 19 qısqa merzіmdі bayqaw, 1 aqparattıq qawіpsіzdіk twralı kwrs ötkіzіldі. Oğan qosa robotexnïka, 3D modeldew negіzіnde kwrstar jasaldı.

Sır öñіrіnde jastardıñ jaña texnologïyalardı meñgerwіne barınşa qolaylı jağday jasalıp keeldі. Oblıs äkіmіnіñ bіlіm berw grantı boyınşa köptegen jastar elіmіzdіñ bedeldі joğarı oqw orındarında bіlіm alıp otır. Bіlіm grantınıñ 70 payızğa jwığı osı mamandıqtarğa qarastırılğan. 

 

 

Joğarı qaray