Aýa raıy
Astana 7 °S
Almaty 6 °S
valıýta baǵamy
USD 389.59
EUR 429.06
RUB 6.05
CNY 55.07

Qyzylordada jergilikti turǵyn qylmys jasaǵan adamdy qolǵa túsirdi

2019 jyldyń 25 naýryz 2019 06:27

QYZYLORDA. QazAqparat - Qyzylordada jergilikti turǵyn kúdiktini ustap, qaýipti jaǵdaıǵa qaramastan belsendi azamattyǵyn kórsetti, dep habarlaıdy QazAqparat tilshisi.

Qyzylorda qalalyq polıtsııa basqarmasynyń kezekshi bólimine tonaý týraly habarlama kelip tústi. Budan keıin oqıǵa ornyna tergeý toby birneshe mınýttan soń jedel jetti.

Oqıǵa mán-jaıy anyqtaldy. Jábirlenýshi jumystan úıine kele jatqan sátte oǵan belgisiz adam shabýyl jasaǵan. Kúsh qoldaný arqyly sómkesi men uıaly telefonyn tartyp alǵan. Sodan keıin belgisiz baǵytqa qashyp ketken. Jábirlenýshi sol jerden ótip bara jatqan azamatty kómekke shaqyrady. Ol dereý qaraqshylyq jasaǵan kúdiktini ustap, óziniń azamattyq mindetin joǵary deńgeıde atqaryp shyqqan. Bul azamat 43-jastaǵy Qyzylorda qalasynyń turǵyny Abylaı Álıev bolyp shyqty.

Qaraqshylyq jasaǵan kúdikti 51 jastaǵy Qazaly aýdanynyń turǵyny eken. Onyń qolynan jábirlenýshiniń telefony men sómkesi aıǵaq zat retinde tárkilendi.

«Ol ýaqytsha ustaý ızolıatoryna qamaqqa alyndy. Atalǵan derek boıynsha Qazaqstan Respýblıkasy Qylmystyq kodeksiniń 192-babynyń 1-bóligimen (tonaý) sotqa deıingi tergep-tekserý jumystary júrgizilýde», - dep málim etti Qyzylorda oblystyq polıtsııa departamentiniń baspasóz qyzmeti.

Polıtsııa qyzmetkerleri kúdiktini izin sýytpaı ustaǵany úshin belsendi áreket jasaǵan azamatqa rızashylyǵyn bildirdi. Qazirgi tańda polıtsııa kúdiktini ustaýǵa jáne qaýipti jaǵdaıǵa qaramastan belsendi azamattyǵyn kórsetken Abylaı Álıevti marapattaý úshin usynys berildi.

Joǵary qaraı