Awa rayı
Astana -12 °S
Almatı 0 °S
valyuta bağamı
USD 376.09
EUR 426.71
RUB 5.72
CNY 55.99

Qızılordada ulttıq dästürdі därіpteytіn arnayı joba jüzege asadı

2019 jıldıñ 21 qañtar 2019 04:34 616

QIZILORDA. QazAqparat - Qızılorda oblısında ulttıq salt-dästürdі nasïxattaytın «Tal besіkten jer besіkke deyіn...» jobası jüzege asadı, dep xabarlaydı QazAqparat tіlşіsі.

Oblıstıq «Rwxanï jañğırw» ortalığınıñ mamandarı atalmış jobanı qolğa alatın boladı. Bıltır ortalıq mamandarı aymaqtıñ ardagerler keñesі, sayasï partïyalar jetekşіlerі men ükіmettіk emes uyım müşelerіmen kezdesіp, bul bağıtta köptegen mäselelerdі tarazığa salğan edі. Atalmış joba sol jïın barısında oğan qatıswşı azamattardıñ zor qoldawına ïe boldı.

«Joba ayasında ulttıq salt-dästürlerdі nasïxattay otırıp, bügіngі waqıt talabına säykes keletіn dästürlerdі jañğırtwdı qolğa almaqpız. Sonday-aq, qazіrgі toy ötkіzw dästürіne de pragmatïkalıq közqaraspen qarağanımız jön», - dedі oblıstıq «Rwxanï jañğırw» ortalığınıñ basşısı Nurlıbek Mıñjas.

Ortalıq mamandarı budan basqa da bіrqatar jaña jobalar qolğa almaq. Atap aytar bolsaq,  üş tіlde «Qorqıttıñ danalıq sözderі»,  «Sır boyınıñ sakraldı eskertkіşterі: mïfter, xïkayattar, añızdar» jïnağı, «Alaş qayratkerlerіnіñ Aqmeşіt-Qızılorda kezeñі», «Qorqıt ata kіtabı» bіrneşe nusqalar boyınşa qayta awdarılıp, jarıqqa şığadı. Atalğan eñbekterdіñ barlığı Elbasınıñ  «Ulı dalanıñ jetі qırı» maqalasına oray jüzege asatın boladı. Jobalar Ulı dalanıñ jetі qırı» maqalasınıñ «Türkі älemіnіñ genezïsі», «Ulı dalanıñ ulı esіmderі», «Dala folklorı men mwzıkasınıñ mıñ jılı» arnayı jobaları ayasında orındaladı.

Aldağı waqıtta Qızılorda oblısında Qobız künі atalıp ötedі. Sonday-aq, bıltır qobızdıñ atası sanalatın «Qorqıt ata» murası YuNESKO-nıñ materïaldıq emes muraları tіzіmіne engіzіldі

Joğarı qaray