Aýa raıy
Astana -9 °S
Almaty 7 °S
valıýta baǵamy
USD 389.98
EUR 434.01
RUB 6.10
CNY 55.04

Qyzylordada Syr súleıine arnalǵan jyr keshi ótkizildi

2019 jyldyń 20 qyrkúıek 2019 13:59

QYZYLORDA. QazAqparat - Qyzylordada Á.Tájibaev atyndaǵy oblystyq kitaphanasynda aqyn, Syr súleıi Dúr Ońǵar Dyrqaıulynyń týǵanyna 160 jyl tolýyna arnalǵan jyr keshi ótkizildi, dep habarlaıdy QazAqparat tilshisi.

Atalmysh ıgi shara Tuńǵysh Prezıdent - Elbasy Nursultan Nazarbaevtyń «Bolashaqqa baǵdar: rýhanı jańǵyrý» baǵdarlamasy aıasynda qolǵa alyndy.

«Jyr keshin ótkizýdegi maqsat - jastarǵa Syr súleıi, jyr dúldúli Ońǵar Dyrqaıulynyń ómiri men shyǵarmashylyǵyn jaqyn tanystyrý. Sondaı-aq, óńirimizdegi jyrshylyq dástúrdi jalǵastyrýshy jyraýlar esimin ulyqtap, mádenı muramyzǵa qurmetpen qaraýǵa tárbıeleý. Syr boıynda súleı atanǵan júırikter shoǵyrynyń kórnekti ókili - Dúr Ońǵar jyraý 43 jyldyq qysqa ǵumyrynda artyna óshpes mol rýhanı mura qaldyrdy. Dúr Ońǵardyń tolǵaýlary, toıbastar, arnaý óleńderi, jumbaqtary, aıtystary, oqıǵaly tarıhı jyrlary onyń aqyndyq poezııasyndaǵy aqyndyq daralyǵyn kórsetedi», - dedi sharany uıymdastyrýshylar.




Kesh barysynda Qorqyt ata atyndaǵy Qyzylorda memlekettik ýnıversıteti «Dástúrli óner» kafedrasynyń stýdentteri Іzbasqan Dáýlethanuly jáne Aqsuńqar Búrkitbaı óńirimizge belgili jyraýlardyń shyǵarmalaryn oryndady. Qalamyzdaǵy «Órkenıet» medıtsınalyq kolledj stýdentterine Dúr Ońǵar Dyrqaıulynyń ómiri men shyǵarmalary jaqyn tanystyryldy.

Sondaı-aq, Qyzylordada túrki halyqtarynyń «Qorqyt jáne Uly dala sazy» festıvali bastaldy.

Joǵary qaraı