Awa rayı
Nur-Sultan 26 °S
Almatı 26 °S
valyuta bağamı
USD 378.83
EUR 430.99
RUB 6.04
CNY 55.05

Qızılordada şeteldіk wnïversïtetterge tüswge dayındaytın ortalıq aşıladı

2019 jıldıñ 22 mamır 2019 22:24 690

NUR-SULTAN. QazAqparat - Bïıl Qızılordada Nazarbaev zïyatkerlіk mektebіnіñ bazasında älemnіñ üzdіk joğarı oqw orındarına tüswge dayındaytın ortalıq aşw josparlanwda. Bul twralı oblıs äkіmі Qırımbek Köşerbaev darındı tülektermen kezdesw barısında mälіmdedі, dep xabarlaydı öñіrlіk äkіmdіktіñ baspasöz qızmetі.

Kezdeswge respwblïkalıq jäne xalıqaralıq bayqawlardıñ, olïmpïadalardıñ 55 qatıswşısı  şaqırıldı, olar bïıl 58 jüldelі orınğa ïe boldı - 15 altın, 13 kümіs jäne 30 qola medal.  

Q.Köşerbaev talaptı jastarmen  aymaqtıñ damwı twralı suxbattasıp, balalardıñ suraqtarına jawap berdі.

"Ekіnşі jıl qatarınan bіzdіñ mektep tülekterіnіñ 97% joğarı oqw orındarı men kolledjderge tüsedі. Endі bіz kem degende oblıstıq mektep bіtіrwşіlerіnіñ 50% joğarı oqw orındarına, onıñ іşіnde Qazaqstandağı oqw orındarı ğana emes, şeteldіk wnïversïtetterge de oqwğa tüswіn közdep otırmız. Bіzdіñ endіgі maqsatımız - aymaq jastarınıñ Garvard, Yel jäne Massaçwsets wnïversïtetterіnde bіlіm alwına jağday jasaw. Sonday-aq, talanttı jastarğa käsіpkerlіk, dïzayn, kommwnïkacïya sïyaqtı salalarda jaña texnologïyalardı engіzetіn jäne qoldanatın Reseydіñ «Kvantorïwm», «Sïrïws» sekіldі іrі ortalıqtardıñ täjіrïbesіn meñgertw», - dedі aymaq basşısı.

Osı maqsatta qızılordalıq oqwşılardı "Bolaşaq" bağdarlamasınıñ tülekterі qurğan elordalıq "Astana Garden School" jeke menşіk mektebіnde oqıtwdı uyımdastırw jäne Nazarbaev zïyatkerlіk mektebіnіñ bazasında oqwşılardı şet memlekettegі іrgelі wnïversïtetterge tüswge dayındaytın arnayı ortalıq aşw josparlanwda. Bul täjіrïbe 2016 jıldan bastap elordada jüzege asırılwda.

Türlі bağıttağı jetіstіkterі üşіn darındı tülekterge "Sır darını" medaldarı, oblıs äkіmіnіñ alğıs xattarı men sıylıqtar tabıstaldı.

Esterіñіzge sala keteyіk, 2014 jıldan bastap Reseydіñ jetekşі ïnjenerlіk JOO-na RF ükіmetіnіñ grantı esebіnen sırboyılıq 500-ge jwıq tülek oqwğa qabıldandı. Alğaşqı 32 tülek oqwın ayaqtap, 2018 jılı elge oraldı. Olar qazіrgі tañda aymaq käsіporındarında jumıs іstep jatır. Al 42 tülek oqwın magïstratwrada jalğastırdı. Bïıl tağı 123 tülek oqwın tämamdaydı dep kütіlwde. 2018 jılı Mäskew jäne Sankt-Peterbwrgtіñ joğarı oqw orındarına 58 qızılordalıq jas oqwğa tüstі.

Bïıl 5754 tülektіñ 4143 UBT tapsıradı. Onıñ іşіnde 412 tülek - "Altın belgіge", 270 oqwşı - erekşe attestatqa ümіtker.

 

 

Joğarı qaray