Awa rayı
Nur-Sultan 5 °S
Almatı 11 °S
valyuta bağamı
USD 377.11
EUR 424.21
RUB 5.91
CNY 56.19

Qızılordada oqwşılar arasındağı respwblïkalıq olïmpïada ötіp jatır

2019 jıldıñ 26 nawrız 2019 00:40 637

QIZILORDA. QazAqparat - Olïmpïadağa Qazaqstannıñ barlıq aymaqtarınan 9-11 sınıptıñ 663 oqwşısı jïnalğan. Bіlіm dodasınıñ qorıtındısı 29 nawrızda belgіlі boladı, dep xabarlaydı QazAqparat oblıs äkіmіnіñ baspasöz qızmetіne sіlteme jasap.

Nartay Bekejanov atındağı Qızılorda oblıstıq mwzıkalıq-drama teatrında jalpı bіlіm beretіn pänder boyınşa respwblïkalıq olïmpïadanıñ aşılw saltanatı öttі.

Oblıs äkіmі Q.Köşerbaev olïmpïada qatıswşılarımen kezdesіp, «jastardıñ bіlіmі, bіlіktіlіgі men dağdıları - barşa ulttıñ eñ mañızdı ärі qımbat reswrsı» ekenіn atap öttі.

«Joğarı bіlіktі mamandar dayarlaw mäselesіnde bіlіm berw sapasınıñ  deñgeyіn köterwge tïіspіz. Oblıstıñ sala qızmetkerlerі mektep tülekterіnіñ kem degende 50%  JOO tüsіrwge qol jetkіzwі tïіs. Bіz jıl sayın az qamtılğan jäne köp balalı otbasılardan şıqqan balalardı eñbek reswrstarınıñ teñgerіmіne säykes öñіrde suranısqa ïe mamandıqtar boyınşa oblıs äkіmіnіñ grantı esebіnen elіmіzdіñ jetekşі joğarı oqw orındarına oqwğa jіberemіz. Bïıl atalmış grant sanı 2 esege - 100-den 205-ke deyіn arttı. Osılayşa, bügіngі tañda munday grant ïegerlerіnіñ sanı 900 jettі. Ayta ketw kerek, ağımdağı jıldan bastap oblıs äkіmі granttarınıñ 70%  IT-mamandıqtarğa bağıttaladı»,- dedі aymaq basşısı.



null

Sonımen qatar, 2014 jıldan bastap aymaqtıñ mektep tülekterі Mäskew men Sankt-Peterbwrgtіñ üzdіk texnïkalıq  JOO  bіlіm alwda. Alğaşqı tülekter ötken jıldan bastap öñіrdegі käsіporındarda jumıs іstep, keybіrі magïstratwrada oqwın jalğastırwda. Ayta keterlіgі, ekіnşі jıl qatarınan oblıstağı mektep tülekterіnіñ 97%  joğarı oqw orındarı men kolledjderge tüsken, olardıñ 58% memlekettіk grantqa ïe boldı.

Sonday-aq, oblıs basşısı bіlіm berw salasına qatıstı bіrqatar josparlarımen bölіstі.

«Endі bіzdіñ mіndetіmіz - jastardı «Lïga plyuşa» wnïversïtetterіnde oqıtwğa qol jetkіzw. Eger ayqın maqsattı mejelep, naqtı mіndetter qoyılmasa, eş närsege jetw mümkіn emes! Texnologïyalardı qurw jäne paydalanw, älewmettіk belsendіlіk pen käsіpkerlіk, kommwnïkacïya men dïzayn, sonday-aq, mektep bağdarlamasına kіrmeytіn ğılım salalarındağı darındardı qoldaw maqsatında  Reseydіñ «Kvantorïwmdar» men «Sïrïwstar» qurw boyınşa täjіrïbesіn zerdeleymіz. Olardıñ täjіrïbesіn zerdelep, joğarı bіlіktі ïnjener mamandardı dayarlawğa, ïnnovacïyalıq texnologïyalar men ïdeyalardı äzіrlewge, testіlewge jäne engіzwge bağıttalğan tolıqqandı texnoparkter qurğımız keledі», - dep atap öttі oblıs äkіmі.



null

Ayta keteyіk, bügіnde Qızılorda oblısında STEM-elementterdі, ğılımï ïnnovacïyalar men matematïkalıq modeldewdі, robototexnïkanı qamtïtın 46 ïnnovacïyalıq mektep jumıs іsteydі.

Söz soñında Q.Köşerbaev olïmpïada qatıswşılarına sättіlіk tіlep:

«Bіzdіñ jastarımızdıñ arasında da Abayday aqın-fïlosoftar, Qanış Sätbaevtay bіregey ğalımdar, Muxtar Äwezovtey ulı jazwşılar, Bïll Geyts, Ïlon Mask sekіldі ïnnovatorlar jürwі äbden mümkіn»,-dedі.

Sonımen qatar, oqwşılardı QR Bіlіm jäne ğılım vïce-mïnïstrі Elmïra Swxanberdïeva quttıqtap, іs-şaranıñ joğarı deñgeyde uyımdastırılğanın jäne olïmpïada onlayn rejïmde ötkіzіletіnіn atap öttі.



null

«Qızılorda oblısında, Sırdıñ qasïettі jerіnde, türkі örkenïetіnіñ besіgі, oyşıl Qorqıt Ata meken etken jerde gwmanïtarlıq pänder boyınşa olïmpïada ötwі erekşe mänge ïe. Bïıl  «Darın» respwblïkalıq ğılımï-praktïkalıq ortalığınıñ qurılğanına 20 jıl toladı.  Ortalıqtı qurw ïdeyası sol kezderde Qazaqstan Respwblïkasınıñ Bіlіm jäne ğılım mïnïstrlіgіnіñ basşılığında otırğan, qazіrgі oblıs äkіmі Qırımbek Köşerbaevqa tïesіlі», - dedі vïce-mïnïstr.

Ayta keteyіk, 25-29 nawrızda Qızılorda oblısında qazaq, orıs jäne şet tіlderі, quqıq negіzderі jäne Qazaqstan tarïxı boyınşa olïmpïadanıñ 2 kezeñі ötedі. Sonday-aq, olïmpïada qatıswşıları Qarmaqşı awdanında ornalasqan Qorqıt Ata memorïaldıq keşenіnde ötetіn jastar forwmına qatısadı. Bіlіm dodasınıñ qorıtındısı 29 nawrızda anıqtalıp, jabılw räsіmі ötkіzіledі.

Esterіñіzge sala keteyіk, 17-19 nawrız aralığında Nawrız meyramı qarsañında Qızılordada respwblïkanıñ barlıq aymaqtarınan kelgen 200 jwıq oqwşınıñ qatıswımen «Ğarış. Ğılım. Ïntellekt» taqırıbında IX Nawrız kezdeswlerі öttі.

 

 

Joğarı qaray