Aýa raıy
Astana 7 °S
Almaty 6 °S
valıýta baǵamy
USD 389.59
EUR 429.06
RUB 6.05
CNY 55.07

Qyzylordada kún jylynady

2019 jyldyń 18 naýryz 2019 15:00

QYZYLORDA. QazAqparat - Syr óńirinde sońǵy kúnderi kún qabaǵy jaıdary minez tanytyp tur. Qazir Qyzylorda oblysynyń basym bóliginde aýa raıy jaımashýaq, jyly, dep habarlaıdy QazAqparat tilshisi.

Darııa boıyndaǵy dúıim el jerdiń tońy jibip, kún qabaǵy jylyǵannan keıin Syrdarııa ózenindegi sý deńgeıine alańdaıtyn edi. Bıyl oblystyń ońtústik bóliginde bet qarıtyn sýyq bolǵan joq. Sondyqtan darııada muz qatpady. Bul kóktem kelgende darııada sý júrýine keri áserin tıgizbedi. Qysqy qar da aqpan aıynyń ortasyna taman tolyq erip ketti.

Qazirgi kúnderi Qyzylorda qalasy men oblys aýdandarynda alǵashqy senbilik ótkizile bastady. Jergilikti turǵyndar sý joldaryn rettep, tal egý maqsatynda jer daıyndaý sharalaryna kóńil bólip otyr.

Aqpannyń sońǵy jáne naýryzdyń bastapqy kúnderi jergilikti turǵyndar az-maz aıazdyń yzǵaryn sezingen bolatyn. Naýryz aıynyń ekinshi onkúndigi jańbyrly boldy. Sońǵy bir-eki kúnde nóser eldi azdap ábigerge salyp qoıdy.



null


null

Dál búgingi aýa raıy erekshe bolyp tur. Aýa temperatýrasy tús áletinde +13 +15 gradýsty kórsetti. Aldaǵy kúnderde de dál osyndaı kún raıy saqtalady degen joramal bar.

Budan buryn búgin Oralda qar jaýyp turǵany aıtyldy. Sondaı-aq, almatylyqtar Naýryz merekesine daıyndyq júrgizip jatqany habarlandy.

Joǵary qaraı