Aýa raıy
Astana 10 °S
Almaty 15 °S
valıýta baǵamy
USD 389.62
EUR 429.98
RUB 6.06
CNY 55.08

Qyzylordada qaıtys bolǵan adamdardyń atyna qarý tirkelgen

2018 jyldyń 14 qazan 2018 17:52

QYZYLORDA. QazAqparat - Qyzylorda oblystyq prokýratýrasy qarý-jaraqtar salasyna tekserý júrgizip, 28 marqumnyń atyna qarý tirkelgenin anyqtady, dep habarlaıdy QazAqparat tilshisi oblystyq prokýratýraǵa silteme jasap.

Tekserý barysynda óńirlik ishki ister organdarynyń baqylaý-qadaǵalaý jáne lıtsenzııalaý, ruqsat berý qyzmeti tıisti deńgeıde júzege asyyrylmaı kelgeni anyqtaldy.

Oblysta 8 165 turǵynnyń atyna 10 442 azamattyq qarý tirkelgen. Al 307 azamatta 346 oıyq uńǵyly qarý bar. Tekserý barysynda qarý tirkelgen 15 adamnyń psıho-nevrologııalyq jáne narkologııalyq dıspenserlerdiń esebinde turǵany, 8 azamat sottalǵany belgili boldy. Budan basqa, qaıtys bolǵan 28 turǵynnyń atynda qarý tirkelgen.

«Kórsetilgen derekter boıynsha qarýdy saqtaý jáne alyp júrý ruqsattarynyń kúshin toqtatý jóninde sharalar qoldanylmaǵan. Bul QR «Jekelegen qarý túrleriniń aınalymyna memlekettik baqylaý jasaý týraly» zańyna qaıshy. Qarýdy saqtaý, qoldaný jáne ony qaıta tirkeý talaptaryn buzǵan 350-den astam qarý ıelerine emtıhandy qaıta tapsyrý sekildi sharalar qoldanylmaǵan. Sondaı-aq, 639 azamattyq qarý ıeleriniń turǵylyqty jerlerin anyqtaý jumystary óz deńgeıinde júrgizilmegen.

Іshki ister organdary júrgizgen qarýdy óz erkimen tapsyrý naýqany barysynda birneshe ret atys qarýyn ótkizgen 27 azamatqa qatysty anyqtaý sharalary uıymdastyrylmaǵan», - delingen oblystyq prokýratýranyń habarlamasynda.

Anyqtalǵan kemshilikter vedomstvoaralyq jedel májiliste qaraldy. Óńirlik quqyq qorǵaý organdaryna joǵarydaǵy kemshilikterdi joıý boıynsha tıisti sharalardy qabyldaý týraly naqty nusqaýlar berildi. Sondaıaq, prokýrordyń usynýy negizinde 9 laýazymdy tulǵa túrli tártiptik jaýaptylyqqa tartyldy.

Joǵary qaraı