Aýa raıy
Astana 16 °S
Almaty 17 °S
valıýta baǵamy
USD 386.34
EUR 427.25
RUB 5.88
CNY 54.57

Qyzylordada bıýdjet qarajatyn jymqyrǵan balabaqsha meńgerýshileri sottaldy

2019 jyldyń 20 shilde 2019 17:49 286

QYZYLORDA. QazAqparat - Qyzylordada bıýdjet qarajatyn qymqyrǵan eki balabaqsha meńgerýshisi bas bostandyǵynan aıryldy, dep habarlaıdy QazAqparat tilshisi.

Bıylǵy jarty jylda «Balapan» baǵdarlamasy aıasynda balabaqshalarda bıýdjet qarajatyn jymqyrýǵa qatysty 4 qylmystyq is tergeldi. Bul jóninde Qyzylorda oblysy boıynsha ekonomıkalyq tergeý departamentiniń baspasóz qyzmeti málim etti.

«Nátıjesinde eki balabaqsha meńgerýshisi bas bostandyǵynan aıyryldy. Olardyń ústinen Qazaqstan Respýblıkasy Qylmystyq kodeksiniń 190-baby 3-bóligi 1-tarmaǵymen qylmystyq is qozǵaldy. Onda alaıaqtyǵy, ıaǵnı aldaý arqyly nemese senimdi paıdalaný jolymen bótenniń múlkin jymqyrý jaǵdaıy kórsetilgen. Qyrýar qarjyny qoldy etkenderdiń árqaısysyna bas paıdasyna jaratqan 1 mln 945 myń jáne 2 mln 975 myń teńge kólemindegi aqshany bıýdjetke qaıtarý mindetteldi», - dep habarlady Qyzylorda oblystyq ekonomıkalyq tergeý departamentiniń baspasóz qyzmeti.

Munan basqa eki balabaqsha basshysyna qatysty is sot qaýlysymen shekteldi. ıAǵnı, keltirilgen zııan tolyq qalpyna keltirildi. Nátıjesinde is óndiristen qysqartyldy. Olardyń biri 1 mln 146 myń teńge, ekinshisi 3 mln 902 myń teńgeni bıýdjetke qaıtarǵan.

Qazyna qarjysyn qymqyrý úshin olar ár balaǵa aı saıyn bıýdjetten bólinetin 24390 teńgeni alý maqsatynda jalǵan qujat jasaǵan. Balabaqshaǵa kelmegen balalardy da tizimge qosyp, ony bilim bólimine ótkizip otyrǵan. Tipti bir balanyń balabaqshanyń birneshe tobynyń tiziminde bolý deregi kezdesti.

Qyzylorda oblysy boıynsha ekonomıkalyq tergeý departamentiniń qyzmetkerleri byltyr jáne 2019 jyldyń 6 aıynda «Balapan» memlekettik baǵdarlamasy boıynsha bıýdjetke zalal keltirýdiń 26 deregin anyqtaǵan. Keltirilgen zalaldyń jalpy somasy 80 mln teńgeden asyp jyǵyldy.

 

Joǵary qaraı