Aýa raıy
Astana 27 °S
Almaty 25 °S
valıýta baǵamy
USD 386.82
EUR 428.67
RUB 5.86
CNY 54.95

Qyzylordada burynǵy kúıeýin óltirýge adam jaldaǵan áıel ustaldy

2019 jyldyń 17 shilde 2019 17:26 336

QYZYLORDA. QazAqparat - Qyzylordada burynǵy kúıeýin óltirý maqsatynda adam jaldaǵan áıel qolǵa tústi, dep habarlaıdy QazAqparat tilshisi.

Burynǵy kúıeýin óltirmek bolǵan áıel bul maqsatta Túrkistan oblysy turǵynymen kelisimge keledi. Oǵan jumysyn oryndaǵannan keıin 20 myń AQSh dollaryn berýge kelisedi. Al ol bul jóninde polıtsııaǵa habarlaǵan. Sondaı-aq jalǵan túrde adam óltirgen keıip tanytqan.

«Nátıjesinde polıtsııa qyzmetkerleri 48 jastaǵy azamatshany qolǵa túsirdi. Ol adam óltirýge jaldaǵan Túrkistan oblysy turǵynyn shyǵaryp salýǵa Qyzylorda qalasynyń shet aımaǵyna kelgen. Álgi azamattyń qolyna 10 myń teńge ustatady. Qalǵanyn burynǵy kúıeýiniń múlikterin satyp bolǵannan keıin beretinin jetkizedi. Sol sátte ony polıtsııa qyzmetkerleri ustady», - dep málim etti Qyzylorda oblystyq polıtsııa departamentiniń baspasóz qyzmeti QazAqparat tilshisine.

Ol polıtsııa basqarmasynyń ýaqytsha ustaý abaqtysyna qamaqqa alyndy.

Qazirgi tańda atalǵan derek boıynsha Qazaqstan Respýblıkasy Qylmystyq kodeksiniń 24-babynyń 3-bóligi jáne 99-babynyń 2-bóliginiń 8-tarmaǵymen sotqa deıingi tergep-tekserý amaldary júrgizilýde. Onda qylmysqa daıyndalý jáne qylmysqa oqtalý, adam óltirý jaǵdaılary kórsetilgen.

Joǵary qaraı