Aýa raıy
Astana 7 °S
Almaty 12 °S
valıýta baǵamy
USD 389.98
EUR 434.01
RUB 6.10
CNY 55.04

Qyzylordada alaıaqtyq jasaǵan burynǵy polıtsııa qyzmetkeri jazalandy

2019 jyldyń 22 aqpan 2019 04:33

QYZYLORDA. QazAqparat - Qyzylordada sybaılas jemqorlyq sanatyndaǵy qylmystyq is jasaǵan burynǵy polıtsııa ınspektoryna qatysty sot úkimi shyqty, dep habarlaıdy QazAqparat tilshisi.

Atalmysh qylmystyq is Qyzylorda qalalyq №2 sotynda qaraldy. Ol Qazaqstan Respýblıkasy Qylmystyq Kodeksiniń 28-babynyń 4-bóligimen, 367-babynyń 1-bóligi, 190-babynyń 1-bóligi boıynsha kináli dep tanyldy.

Burynǵy tártip saqshysy Qyzylorda qalasy polıtsııa basqarmasynyń jol-patrýldik polıtsııa batalonynyń ınspektory qyzmetin atqarǵan. Ol jábirlenýshi I-ge «V» kategorııaly júrgizýshi kýáligin Qazaqstan Respýblıkasy Іshki ister mınıstrliginiń Baıqońyr qalasyndaǵy ókildiginen alyp bere alatynyn aıtqan. Osylaısha alaıaqtyq jolmen bóten múlikti jymqyrý nıeti týyndaǵan. Sol maqsatta 80 myń teńge alǵan. Sonyń saldarynan sybaılas jemqorlyq sanatyndaǵy qylmystyq is jasaǵan.

«Sottalýshy B-nyń Qazaqstan Respýblıkasy Qylmystyq Kodeksiniń 28-babynyń 4-bóligi, 367-babynyń 1-bóligi, 190-babynyń 1-bóligi boıynsha kináli dep tanyldy. Sot úkimimen ol 1 mln. 200 myń teńge aıyppul tóleıtin boldy», - dep habarlaıdy Qyzylorda qalalyq №2 sotynyń baspasóz qyzmeti.

Sondaı-aq, ol ómir boıyna polıtsııa leıtenanty ataǵynan aıryldy. Oǵan qosa memlekettik qyzmette, sýdıa qyzmetin, jergilikti ózin-ózi basqarý organdarynda, Qazaqstan Respýblıkasynyń Ulttyq Bankinde jáne onyń vedomstvolarynda, memlekettik uıymdarda jáne basqa da birqatar mekemelerde qyzmet atqara almaıdy.

Budan buryn Qyzylordada 5 mln teńge urlaǵan turǵynnyń sottalǵanyn habarlaǵan edik.

Joǵary qaraı