Awa rayı
Astana 2 °S
Almatı 13 °S
valyuta bağamı
USD 378.17
EUR 429.11
RUB 5.88
CNY 56.48

Qızılordada alayaqtıq jasağan burınğı polïcïya qızmetkerі jazalandı

2019 jıldıñ 22 aqpan 2019 04:33 558

QIZILORDA. QazAqparat - Qızılordada sıbaylas jemqorlıq sanatındağı qılmıstıq іs jasağan burınğı polïcïya ïnspektorına qatıstı sot ükіmі şıqtı, dep xabarlaydı QazAqparat tіlşіsі.

Atalmış qılmıstıq іs Qızılorda qalalıq №2 sotında qaraldı. Ol Qazaqstan Respwblïkası Qılmıstıq Kodeksіnіñ 28-babınıñ 4-bölіgіmen, 367-babınıñ 1-bölіgі, 190-babınıñ 1-bölіgі boyınşa kіnälі dep tanıldı.

Burınğı tärtіp saqşısı Qızılorda qalası polïcïya basqarmasınıñ jol-patrwldіk polïcïya batalonınıñ ïnspektorı qızmetіn atqarğan. Ol jäbіrlenwşі Ï-ge «V» kategorïyalı jürgіzwşі kwälіgіn Qazaqstan Respwblïkası Іşkі іster mïnïstrlіgіnіñ Bayqoñır qalasındağı ökіldіgіnen alıp bere alatının aytqan. Osılayşa alayaqtıq jolmen böten mülіktі jımqırw nïetі twındağan. Sol maqsatta 80 mıñ teñge alğan. Sonıñ saldarınan sıbaylas jemqorlıq sanatındağı qılmıstıq іs jasağan.

«Sottalwşı B-nıñ Qazaqstan Respwblïkası Qılmıstıq Kodeksіnіñ 28-babınıñ 4-bölіgі, 367-babınıñ 1-bölіgі, 190-babınıñ 1-bölіgі boyınşa kіnälі dep tanıldı. Sot ükіmіmen ol 1 mln. 200 mıñ teñge ayıppul töleytіn boldı», - dep xabarlaydı Qızılorda qalalıq №2 sotınıñ baspasöz qızmetі.

Sonday-aq, ol ömіr boyına polïcïya leytenantı atağınan ayrıldı. Oğan qosa memlekettіk qızmette, swdya qızmetіn, jergіlіktі özіn-özі basqarw organdarında, Qazaqstan Respwblïkasınıñ Ulttıq Bankіnde jäne onıñ vedomstvolarında, memlekettіk uyımdarda jäne basqa da bіrqatar mekemelerde qızmet atqara almaydı.

Budan burın Qızılordada 5 mln teñge urlağan turğınnıñ sottalğanın xabarlağan edіk.

 

 

Joğarı qaray