Aýa raıy
Astana -9 °S
Almaty -3 °S
valıýta baǵamy
USD 389.34
EUR 428.78
RUB 6.05
CNY 55.45

Qyzylordada 4 jasar balasyn qutqarmaq bolǵan ákeni avtobýs qaǵyp óltirdi

2019 jyldyń 18 qazan 2019 02:11

QYZYLORDA. QazAqparat - Qyzylorda qalasynda jolaýshylar tasymaldaıtyn avtobýs eki adamdy qaǵyp ketti. Olardyń biri alǵan jaraqatynan qaza bolsa, ekinshisi aýrýhananyń jansaqtaý bólimine jetkizildi, dep habarlaıdy QazAqparat tilshisi.

Oqıǵa 17 qazan kúni saǵat 12.30 shamasynda Abaı dańǵyly men Y. Altynsarın kóshesiniń qıylysyna jaqyn jerde boldy.

Qyzylorda oblystyq Polıtsııa departamentiniń baspasóz qyzmeti QazAqparat tilshisine málim etkendeı, joldyń belgilenbegen tusynan 4 jasar bala júgirip shyqqan. Artynan ákesi qutqarýǵa umtylǵan. Sol mezette jaqyndap qalǵan qoǵamdyq kólik olardy qaǵyp ketken.

«Alǵan jaraqaty saldarynan balanyń ákesi kóz jumdy. Al búldirshin oblystyq balalar aýrýhanasynyń jansaqtaý bólimine jetkizildi. Avtokólik júrgizýshisi oqıǵa ornynda anyqtaldy. Saraptamalar taǵaıyndaldy. Atalǵan derek boıynsha QR Qylmystyq kodeksiniń 345-babynyń 3-bóligimen tergep-tekserý amaldary júrgizilýde. Onda kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzýy, abaısyzda adam ólimine ákep soqqan is-áreket jaǵdaıy kórsetilgen. Oqıǵanyń mən-jaılary anyqtalýda. ​QR Qylmystyq-protsestik kodeksiniń 201-babynyń talaptaryna sáıkes, sotqa deıingi tergep-tekserýdiń basqa derekteri jarııa etilýge jatpaıdy», - dep málim etti departamentten.

Avtor Ádiljan Úmbet
Basty sózder: Aımaq, Oqıǵa, Qyzylorda oblysy,
Joǵary qaraı