Aýa raıy
Astana 17 °S
Almaty 12 °S
valıýta baǵamy
USD 386.80
EUR 429.27
RUB 5.78
CNY 54.89

Qyzylorda oblysynda 4 jyr mektebi ashylady

2019 jyldyń 20 mamyr 2019 13:13 1410

QYZYLORDA. QazAqparat - Syr óńirinde «Jyr mura» jobasy júzege asyrylyp keledi. Bul jyraýlyq dástúrdi keńinen nasıhattaýǵa ıgi yqpal etedi, dep habarlaıdy QazAqparat tilshisi.

Joba QR Tuńǵysh Prezıdenti - Elbasy Nursultan Nazarbaevtyń «Bolashaqqa baǵdar: rýhanı jańǵyrý» jáne «Uly dalanyń jeti qyry» baǵdarlamalyq maqalalarynyń «Dala folklory men mýzykasynyń myń jyly» baǵyty boıynsha qolǵa alynyp otyr. Sharaǵa Qyzylorda oblysynyń mádenıet, arhıvter jáne qujattama basqarmasy qoldaý jasaýda.

Joba aıasynda 4 aýdannan jyr mektebin, oblys boıynsha 14 qobyz úıirmesin ashý josparlanǵan. Osylaısha jyr álemine jańa esimderdi shyǵarý oılastyrylǵan. Atalmysh joba aıasynda «Uly dala tósindegi Syr eliniń folklory» atty ekspedıtsııa uıymdastyryldy. Mamandar 7 aýdan men Qyzylorda qalasyn aralap, el ishindegi asyl qazynany jınady.

Nátıjesinde ataqty Dáriǵul jyraýdyń shákirti Bereket jyraýdyń oryndaýyndaǵy 40 mınýttyq maqam saz, belgili shaıyr Baınazar Ótepovtiń daýysy jáne qoljazbasy jınaqtaldy. Sonymen birge, Bekarystan bı, Qojabaqy aýyldarynyń abyz aqsaqaldarynyń aıtýymen Bekarystan bı, Serdalynyń Bekshorasy, Basyqara, Kóbek bı, Moınaq batyr týraly tyń málimetter jazylyp alyndy.

Al Qarmaqshy aýdanyndaǵy Turmaǵambet aýylynyń baıyrǵy turǵyny Qalıdýlla Saǵynov jeke muraǵatynan eski maqam-sazdar jazylǵan dúnıelerdi mamandar qolyna tabys etti.

Aqyn ári jyraý Ámze Ospanovtyń balasy Ońdasyn Ospanovtan ákesiniń qoljazbalarymen birge dybys jazylǵan kóne 5 úntaspa alyndy. Joba boıynsha jyraý Sársenbaı Bórtebaıulynyń 1 saǵat kóleminde jyrlaǵan maqam-sazdary jáne 1986 jyldary Syr elindegi jyr mektepteriniń ashylýyna úlken qoldaý kórsetken óner janashyry Súıinbaı Aqbaevtyń alpysqa tarta maqam-sazdardy toptastyrylǵan taspasy alyndy.

Ekspedıtsııa barysynda Mádenıet aýylynyń turǵyny Bolatbek Nurjanov aǵamyzdan «Shákir-Shákirat» dastanynyń Syr boıynda oryndalatyn nusqasynyń kóshirmesin, belgili jyraýlar Jadyrasyn Tasbergenov, Áýbákir Esjanovtardyń daýystary jáne qoljazbasynyń kóshirmeleri jınaqtaldy. Al Shıeli aýdany Nartaı Bekejanov aýylynyń qart turǵyny Baıjan aqsaqaldyń áńgimelerimen qatar, Nartaıdyń sońǵy shákirtteri sanalatyn Arzýlla Moljigitov, Ábilásh Ábýov, Qurmanbek Bekpeıisovtiń úntaspalary alyndy.

Ekspedıtsııa músheleri Qyzylorda qalasynda ataqty Rústembek jyraýdyń qyzy Ydyq Rústembekqyzy, belgili jyraýlar, ustaz Jumabek Aqqulov, Qasarbek Káribaev, qart jýrnalıst Ótegen Japparhan, Qorqyt ata muralaryn jınaqtaýshy Ahat Janaev syndy abyz aqsaqaldarmen suhbat júrgizip, barlyǵy beınetaspaǵa jazylyp alyndy.

Aldaǵy ýaqytta el arasynan jınaqtalǵan maqam-sazdar stýdııada óńdeledi. Sondaı-aq, terme-tolǵaý, dastandardyń mátinderi júıelenip jyr-terme úıirmelerine usynylady.

Esterińizge sala ketelik, budan buryn Qyzylorda oblysynda qobyzshylar ansambli qurylatynyn habarlaǵan edik.

Joǵary qaraı