Aýa raıy
Astana 8 °S
Almaty 9 °S
valıýta baǵamy
USD 389.98
EUR 434.01
RUB 6.10
CNY 55.04

Qyzylorda qalasynyń shet aýdanynan náresteniń máıiti tabyldy

2019 jyldyń 21 mamyr 2019 17:23

QYZYLORDA. QazAqparat - Qyzylorda qalasyndaǵy ál-Farabı shaǵynaýdany aýmaǵynan náresteniń máıiti tabyldy, dep habarlaıdy QazAqparat tilshisi.

Atalmysh oqıǵa 20 mamyr kúni belgili boldy. Sol kúni saǵat 6.30 shamasynda ál-Farabı kvartalynda ornalasqan jol boıynan soltústikke qaraı 40 metr jerden náresteniń máıiti tabylǵan.

«Qazirgi tańda atalmysh derek boıynsha QR Qylmystyq kodeksiniń 100-babymen qylmystyq is qozǵalyp, jańa týǵan balany anasynyń óltirýi boıynsha sotqa deıingi tergep-tekserý amaldary júrgizilýde. Qylmystyq is sheńberinde barlyq qajetti saraptamalar taǵaıyndaldy. QR Qylmystyq-protsestik kodeksiniń barlyq protsessýaldyq talaptaryn saqtaı otyryp, náresteniń anasyn anyqtaý baǵytynda keshendi jedel-izdestirý sharalary júrgizilýde», - dep málim etti Qyzylorda oblystyq polıtsııa departamentiniń baspasóz qyzmeti QazAqparat tilshisine.

Baspasóz qyzmeti QR Qylmystyq-protsestik kodeksiniń 201-babynyń talaptaryna sáıkes, sotqa deıingi tergep-tekserýdiń basqa derekteri jarııa etilmeıtinin eskertti.

Budan Qyzylorda oblysy Qazaly aýdanynda paketke oralǵan náresteniń tabylǵanyn habarlaǵan edik. Odan keıin tastandy náresteniń anasy qolǵa tústi.

Avtor Ádiljan Úmbet
Basty sózder: Qyzylorda oblysy, Qoǵam, Oqıǵa,
Joǵary qaraı