Aýa raıy
Astana -4 °S
Almaty 10 °S
valıýta baǵamy
USD 389.34
EUR 428.78
RUB 6.05
CNY 55.45

Qyzmet kóligimen kafege barǵan Jańaózen ákimi ádep erejelerin buzǵan joq - departament

2019 jyldyń 18 qazan 2019 12:52

AQTAÝ. QazAqparat – Qazaqstan Respýblıkasy Memlekettik qyzmet isteri agenttiginiń Mańǵystaý oblysy boıynsha departamentiniń ókilderi Jańaózen qalasynyń ákimi Maqsat Ibaǵarovtyń Ádep kodeksi normalaryn buzbaǵanyn aıtty, dep habarlaıdy QazAqparat tilshisi.

18 qyrkúıekte Facebook áleýmettik jelisinde túngi ýaqytta Aqtaý qalasyndaǵy «Tofu» kafesi mańynda Mańǵystaý oblysy ákimdiginiń is basqarmasy kommýnaldyq memlekettik mekemesine qarasty memlekettik nómeri R106RK12 markaly qyzmettik kóliktiń júrgeni jáne sol jerde Jańaózen qalasynyń ákimi Maqsat Ibaǵarovtyń bolǵany týraly jazba jarııalanǵan edi.

Osyǵan oraı, 20 qyrkúıek kúni Mańǵystaý oblysy ákiminiń atyna usynys hat joldanyp, oryn alǵan kemshilikti boldyrmaý, sondaı-aq osy oqıǵa boıynsha mán-jaıdy anyqtaý maqsatynda qyzmettik tergep-tekserý júrgizip, tıisti tulǵalardyń jaýapkershiligin qaraý usynyldy. Mańǵystaý oblysy ákiminiń apparaty atalǵan usynys hat negizinde mán-jaıdy habarlady.

Atap aıtqanda, memlekettik tirkeý nómiri R106 RK12 «Toyota Land Cruiser» markaly qyzmettik avtokólik 17 qyrkúıekte senimhat boıynsha Jańaózen qalasy ákiminiń apparatynyń ókili S.Qasyqbaevqa akti negizinde tapsyrylǵan. Al Jańaózen qalasynyń ákimi M.Ibaǵarov 17-18 qyrkúıekte Nur-Sultan qalasynda issaparda bolǵan.

Osy derekke qatysty qala ákimi M. Ibaǵarov óz túsiniktemesinde 18 qyrkúıekte is-sapardan kelgen kezinde áýejaıdan atalǵan qyzmettik kólik kútip alǵanyn aıtqan. Ol Jańaózen qalasyna deıin jol uzaq bolǵandyqtan tamaq ishýge Aqtaý qalasyndaǵy shaǵyn kafege kirgen. Sol jerde jol-patrýl polıtsııa qyzmetkerleri jumystan tys ýaqytta júrýge bolmaıtynyn túsindirip, kólikti aıyp turaǵyna alyp ketken.

Bul oraıda qyzmettik avtokólik Jańaózen qalasy ákimi apparatynyń balansyna ótkendikten sol mekeme júrgizýshisiniń atyna jol paraǵy berilýi tıis bolatyn. Alaıda avtokólikti tıisti jol qujattary memlekettik mekemeniń atynan rásimdelmegen kúıi áýejaıǵa shyǵyp ketip, qujattarynyń tolyq bolmaǵandyqtan aıyppul turaǵyna jabylǵan.

Osyǵan oraı, apparat basshysynyń buıryǵyna sáıkes, avtokólik qujattaryn tolyq rásimdemegeni úshin qyzmetshi S.Qasyqbaevqa eskertý túrinde tártiptik jaza qoldanylǵan.

Nátıjesinde Jańaózen qalasynyń ákimi M.Ibaǵarovtyń tarapynan Ádep kodeksi normalaryn buzý deregi anyqtalmaǵan degen qorytyndy shyqty.

Eske sala keteıik, osyǵan deıin Jańaózen qalasy ákiminiń qyzmet kóligi aıyp turaǵyna qoıylǵanyn habarlaǵan edik.

Joǵary qaraı