Aýa raıy
Astana 2 °S
Almaty 7 °S
valıýta baǵamy
USD 389.94
EUR 433.50
RUB 6.10
CNY 55.13

Qyzdy qutqaram dep sýǵa ketken Shalqar Aqymǵalıev memlekettik nagradaǵa usynylady

2019 jyldyń 23 naýryz 2019 10:36

ASTANA. QazAqparat - Atyraýda qyzdy qutqaram dep sýǵa ketken Shalqar Aqymǵalıev memlekettik nagradaǵa usynylady. Bul jaıynda QR Іshki ister mınıstriniń keńesshisi-resmı ókil Nurdildá Oraz aıtty, dep habarlaıdy QazAqparat tilshisi.

«Іshki ister mınıstri Erlan Turǵymbaev polıtsııa qyzmetkeri Aqymǵalıev Shalqar Kókinbaevtyń otbasyna qaıǵylaryna ortaqtasyp, kóńil aıtty. Atyraýda qyzdy qutqaram dep sýǵa batyp ketken patrýldik polıtsııa serjanty Shalqar Aqymǵalıev memlekettik nagradaǵa usynylady.Sh.Aqymǵalıevtiń otbasyna ІІM jeke quramy tarapynan materıaldyq kómek kórsetiletin bolady», - dedi Nurdildá Oraz.

QR ІІM Erlan Turǵymbaev Shalqardyń anasy Lázzat Májenqyzyna joldaǵan kóńil aıtý hatynda ishki ister organdary jáne qalyń qazaq jurty óziniń er-júrek, batyr ulynynan kóz jazyp qalǵandyǵyn, bul orny tolmas qaıǵy ekendigin basa atap ótken.

«Qazaqtyń dańqty batyry Baýyrjan Momyshulynyń «Adam bolý - qasıet, azamat bolý - mindet, patrıot bolý - paryz» degen qanatty sózi bar. Sizder tárbıelep ósirgen uldaryńyz Shalqar Kóshkinbaıuly osy qasıetterge laıyq edi. Adam retinde qalyptasty, azamat bolyp atqa qondy, patrıottyq bolmysymen el tynyshtyǵyn qorǵady. Ol árbir qazaqstandyqtyń ómirin saqtaýdy óziniń qasıetti boryshy sanady. Sondyqtan syn saǵattarda naǵyz batyrlarǵa tán erlikke baryp, ózgeniń ómiri úshin óz janyn qurban etti», - dep jazdy ol.

Mınıstr hatynda Shalqar Kóshkinbaıuly ishki ister salasynda bes jyl qyzmet atqarǵanyn, ony áriptesteri qyzmetine adal, dostyqqa berik, júregi úlken azamat retinde biletindigine basa nazar aýdarǵan.

«Elin sheksiz súıgen, halqy úshin adal qyzmet atqaryp, týǵan jer tynyshtyǵyn qas qaqpaı qorǵaǵan batyr ul ósirgenderińiz úshin aldaryńyzda basymyzdy ıemiz. Biz onyń eren erligin, batyrlyq bolmysyn, bıik azamattyq kelbetin eshqashan umytpaımyz. Asyl erdiń jany jánnatta, topyraǵy torqa, ımany joldas bolsyn!», - dedi E.Turǵymbaev.

Buǵan deıin Atyraýda polıtsııa sýǵa batqan áıeldi qutqaram dep mert bolǵanyn habarlaǵan edik.

Avtor Marlan Jıembaı
Basty sózder: Oqıǵa, Atyraý oblysy, QR ІІM,
Joǵary qaraı