Aýa raıy
Astana 2 °S
Almaty 8 °S
valıýta baǵamy
USD 389.94
EUR 433.50
RUB 6.10
CNY 55.13

Qytaıdan elge zańsyz kirgizbek bolǵan iri kólemdegi uıaly telefon tárkilendi

2019 jyldyń 18 maýsym 2019 04:29

NUR-SULTAN. QazAqparat - Deklaratsııalanbaǵan iri kólemdegi uıaly telefondardy Qorǵas kedendik beketi arqyly Qazaqstanǵa ótkizbek bolǵan, dep habarlaıdy QazAqparat QR Qarjy mınıstrligi Memlekettik kirister komıtetiniń baspasóz qyzmetine silteme jasap.

«2019 jyldyń 15 maýsymynda kezekti kedendik tekserý barysynda Almaty oblysy boıynsha MKD «Altynkól» keden beketiniń Qorǵas «ShYHO» BÓP qyzmetkerleri men QR UQK ShQ qyzmetkerlerimen birlesip Qytaı Halyq Respýblıkasynan deklaratsııa jasamaı Qazaqstanǵa kirgizbek bolǵan iri kólemdegi uıaly telefondar tárkilendi», - delingen habarlamada.

Komıtettiń habarlaýynsha, tekserý barysynda keden tártibin buzǵan Qazaqstan azamatynyń qol júginiń ishinen 246 dana, jalpy salmaǵy 19 keli «Samsung» SCH-U365 markaly uıaly telefondar shyqqan.

«Tárkilengen uıaly telefondaryń kedendik quny 3 420 445 teńgeni quraıdy. Barlyq taýar ýaqytsha saqtaý qoımasyna ornalastyryldy. Búgingi kúni kináli tulǵalardy QR zańnamasyna sáıkes jaýapkershilikke tartý máselesi qarastyrylýda», - dep málimdeıdi atalǵan mekemeniń baspasóz qyzmeti.

Avtor Álı Ibraev
Basty sózder: QR Qarjy mınıstrligi,
Joǵary qaraı