Awa rayı
Astana -13 °S
Almatı -8 °S
valyuta bağamı
USD 375.95
EUR 425.80
RUB 5.74
CNY 55.94

Qıtaydağı etnïkalıq qazaqtıñ sanı 1,5 mïllïonnan asadı - QR SІM

2019 jıldıñ 21 qañtar 2019 18:05 919

ASTANA. QazAqparat - QR SІM resmï ökіlі Aybek Smadïyarov Qıtaydağı etnïkalıq qazaqtardıñ jayı twralı suraqqa jawap berdі, dep xabarlaydı QazAqparat tіlşіsі.

 «Qazaqstan qoğamı men memleket, äsіrese Sırtqı іster mïnïstrlіgі şetelde turatın qazaqtardıñ jağdayın muqïyat baqılap otıradı. Qazіrgі tañda Qıtayda etnïkalıq qazaqtıñ sanı 1,5 mïllïonnan asadı. Olar Qıtaydıñ tolıqqandı azamatı bolıp sanaladı jäne sol elde quqıq qorğaw, bïznes, ğılım jäne älewmettіk salalarda jumıs atqarıp keledі. Ärbіr jağdayda bіz Qıtay tarapın zañğa säykes, obektïvtі jäne ädіl äreket etwge şaqıramız», - dedі Aybek Smadïyarov QR SІM-de ötken baspasöz mäslïxatında tіlşіlerdіñ surağına jawap bere otırıp.

QR SІM resmï ökіlі ötken jıldıñ soñında Qıtay tarapımen tabıstı kelіssözderdіñ nätïjesіnde 2,5 mıñnan astam etnïkalıq qazaqqa Qıtaydıñ azamattığınan şığwğa mümkіndіk berіlgenіn eske saldı.

«Bіraq, şetelde qazaq dïasporasın qolday otırıp, bіz şet memleketterdіñ іşkі іsterіne aralaswğa jol bermeytіn xalıqaralıq zañğa süyenwіmіz qajet», - dedі ol.

Eske sala ketsek, ötken ayda Aybek Smadïyarov Qıtayda turatın 2 mıñ etnïkalıq qazaq atalmış elden şığwğa ruqsat alğanın xabarlağan bolatın.

«Dïplomatïyalıq arnalar arqılı Qıtay tarapımen jumıs jürіp jatır. Qıtay tarapı іzgі  ïşara retіnde Qıtay awmağınan 2 mıñnan astam qazaqtıñ şığwına ruqsat berdі», - degen edі Aybek Smadïyarov.

 

Avtor: Ayan Bekenulı
Bastı sözder: Qıtay, QR SІM, Qandastar,
Joğarı qaray