Aýa raıy
Astana -2 °S
Almaty 20 °S
valıýta baǵamy
USD 389.98
EUR 434.01
RUB 6.10
CNY 55.04

Qyrǵyzstan Prezıdenti Qazaqstan Syrtqy ister mınıstrin qabyldady

2019 jyldyń 21 mamyr 2019 00:05

BІShKEK. QazAqparat - Qyrǵyzstan Respýblıkasyna resmı sapary aıasynda Qazaqstan Syrtqy ister mınıstri Beıbit Atamqulovty Qyrǵyzstan Prezıdenti Sooronbaı Jeenbekov qabyldady, dep habarlaıdy QazAqparat.

Elimizdiń syrtqy saıası vedomstvosynyń baspasóz qyzmetinen málim etkendeı, B.Atamqulov Qazaqstan úshin Qyrǵyzstan eń jaqyn kórshi ekenin atap ótti. «Qazaqstannyń Tuńǵysh Prezıdenti - Elbasy Nursultan Nazarbaev Qazaqstan men Qyrǵyzstan baýyrlas halyqtar ekenin árdaıym aıtady. Biz tatý kórshilik pen dostyqta ómir súrdik, aramyzda eshqashan shekaralar bolǵan emes», - dedi ol.

Qazaqstan SІM basshysy qazaqstan-qyrǵyz ózara is-qımylynyń damýyndaǵy oń dınamıkany atap ótti. Buǵan jyly ári dostyq qarym-qatynas qalyptasqan Qyrǵyzstan Syrtqy ister mınıstri Chıngız Aıdarbekovpen jemisti jumys septigin tıgizýde. Al bul birqatar máselelerdi jedel sheshýge múmkindik beredi.

Búgingi SІM arasyndaǵy kelissózder barysynda ekijaqty yntymaqtastyqtyń, óńirlik jáne halyqaralyq kún tártibiniń ózekti máseleleri talqylandy. Qos el arasyndaǵy qatynastardy odan ári nyǵaıtý, qordalanǵan máselelerdi sheshý boıynsha ýaǵdalastyqtarǵa qol jetkizildi.

Taraptar 2020 jylǵa qaraı ekijaqty saýdany 1 mlrd AQSh dollaryna deıin ulǵaıtý jónindegi memleketter basshylary qoıǵan mindetterdi iske asyrýda belsendi jumys atqarýda. Osy turǵyda Qazaqstan-Qyrǵyz Úkimetaralyq keńesiniń tıimdi jumysy atap ótildi.

Qyrǵyzstan Prezıdenti S. Jeenbekov Elbasy Nursultan Nazarbaevtyń joǵary bedelin erekshe atap ótti. «Sizderdiń kóshbasshyńyz Nursultan Ábishulynyń danalyǵy búkil álemge tanymal, ony kóptegen memleketterdiń basshylary óte qurmetteıdi», - dedi Qyrǵyz Prezıdenti. Sonymen qatar ol Memleket basshysy Qasym-Jomart Toqaevty bedeldi saıasatker retinde atap ótti. S. Jeenbekov Qazaqstan halqyna prezıdent saılaýyn jaqsy ótkizýdi tiledi.

Budan bólek ol Qazaqstan Qyrǵyzstannyń syrtqy saıasatyndaǵy negizgi áriptesteriniń biri bolyp tabylatynyn, qyrǵyz tarapy barlyq baǵyttar boıynsha yntymaqtastyqty odan ári tereńdetýge múddeli ekenin atap ótti. Qazaqstan men Qyrǵyzstanǵa ekonomıkalyq óńirlik kooperatsııany damytý jáne ekijaqty saýda aınalymyn ulǵaıtý boıynsha jańa joldardy qarastyrý qajet.

Kezdesý barysynda halyqaralyq qurylymdar men qaýymdastyqtardyń, atap aıtqanda Shanhaı yntymaqtastyq uıymy (ShYU) sheńberindegi ózara is-qımyl máseleleri talqylandy. Qazaqstan Qyrǵyzstannyń ShYU-ǵa tabysty tóraǵalyq etýine joǵary baǵa berdi, onyń sheńberinde belsendi jumys júrgizilýde.

Joǵary qaraı