Aýa raıy
Astana 5 °S
Almaty 15 °S
valıýta baǵamy
USD 389.75
EUR 434.26
RUB 6.12
CNY 55.05

Kúresten ÁCh: Qazaqstan qorjynyna taǵy bir kúmis medal tústi

2019 jyldyń 21 qyrkúıek 2019 18:57

NUR-SULTAN. QazAqparat – Elordada ótip jatqan álem chempıonatynda balýan Nurǵoja Qaıpanov «kúmis» aldy, dep habarlaıdy QazAqparat tilshisi.

70 keli salmaqta el namysyn qorǵaǵan Nurǵoja Qaıpanov fınalda reseılik qarsylasy Davıd Baevten jol berip, kúmis júldeger atandy. Ol reseı balýanynan 2:12 esebimen utylyp qaldy. Osylaısha, erkin kúresten Qazaqstan qorjynyna ekinshi kúmis medal tústi.

Esterińizge sala keteıik, osyǵan deıin erkin kúres sheberlerinen 65 keli salmaqta Dáýlet Nııazbekov fınalda reseılik balýanǵa jol berip kúmis júldeni qanaǵat tutqan bolatyn. Sondaı-aq, erkin kúresten taǵy bir balýanymyz Nurıslam Sanaev qola júldeger boldy.

Búgin sondaı-aq, 74 kelide qola medal úshin kúresken Danııar Qaısanov frantsııalyq Zelımhan Hadjıevke 3:4 esebimen jol berip, júldesiz qaldy. Ol keshe ótken shırek fınaldyq básekede álem úzdigi, ıtalııalyq Frank Chemızodan utylǵan bolatyn. Chemızo óz kezeginde fınalǵa joldama alyp, Qaısanovqa jubanysh beldesýine qatysý múmkindigi berilgen edi. Qaısanov júldege ilige almasa da álem chempıonatyn úzdik besinshi orynmen aıaqtap Tokıo Olımpıadasyna joldama jeńip aldy.


Avtor Kúnsultan Otarbaı
Basty sózder: Sport,
Joǵary qaraı