Awa rayı
Astana 14 °S
Almatı 15 °S
valyuta bağamı
USD 360.12
EUR 409.67
RUB 5.33
CNY 52.34

QR Ulttıq bankі problemalı banktermen kelіssözder jürgіzwde

2018 jıldıñ 14 mawsım 2018 15:11 573

ASTANA. QazAqparat - Ulttıq bank problemalı bankterdegі axwaldı turaqtandırw üşіn kelіssözder jürgіzіp jatır. Bul twralı Parlament Senatında tіlşіlerge Ulttıq bank törağası Danïyar Aqışev mälіm ettі, dep xabarlaydı QazAqparat.

Onıñ sözіne qarağanda, ağımdağı jılı üş banktіñ, yağnï EksïmBank, Astana Bankі jäne Qazaq Banki-nіñ klïentterі aldındağı mіndettemelerіn waqıtında orındamawına baylanıstı jaña depozïtter qabıldaw, üş ay merzіmge jeke tulğalardıñ banktіk şottarın aşw boyınşa lïcenzïyaları toqtatıldı. Qazіrgі kezde EksïmBank, Qazaq Banki men Astana bankі ötіmdіlіktіñ jetkіlіktі deñgeyіn qamtamasız etwde qïındıqtarğa tap bolwda. Üş bankte de klïentter aldındağı mіndettemelerіn waqtılı orındaw şektewlі bolıp otır.

«Ädette, problemalı bankter jaqsı kredïtter bermeydі. Olardıñ nesïe portfelderіnіñ öswіnen kapïtal qorı küşeymeydі. Olardıñ täwekelderdі basqarw jäne korporatïvtіk basqarw standarttarın joğarı dep te ayta almaymız, al nesïe portfelіnіñ sapası barınşa tömen küyіnde qalıp otır», - dep tüsіndіrdі D. Aqışev

D. Aqışevtіñ aytwınşa, UB tarapı EksïmBanktіñ, Qazaq Banki men Astana bankіnіñ qarjılıq jağdayına monïtorïng jasap, bankterdіñ menedjmentіmen jäne akcïonerlerіmen jağdaydı turaqtandırwğa bağıttalğan şaralardı äzіrlew boyınşa kelіssözder jürgіzіp jatır.

Söz soñında ol Qazaqstan Ulttıq bankіnіñ depozïtterdі qabıldawğa lïcenzïyası bar ekіnşі deñgeydegі bankterdіñ depozïtterge mіndettі kepіldіk berw jüyesіnіñ qatıswşıları bolıp tabılatının eske saldı. «Jeke tulğalardıñ salımdarı, aqşası men tölem kartoçkaları jäne bank şottarı 10 mln teñgege deyіngі somada depozïtterge kepіldіk berw jüyesіmen qorğalğan», - dedі D. Aqışev.

Avtor: Rwslan Ğabbasov
Bastı sözder: QR Ulttıq bankі, Bankter,
Joğarı qaray