Aýa raıy
Astana 1 °S
Almaty 7 °S
valıýta baǵamy
USD 388.70
EUR 428.70
RUB 6.08
CNY 55.46

QR Ulttyq Bank Tóraǵasy jumys saparymen Vashıngtonǵa bardy

2019 jyldyń 21 qazan 2019 11:51

NUR-SULTAN. KAZINFORM – 17-19 qazan aralyǵynda AQSh astanasynda Ulttyq Bank basshysy Halyqaralyq valıýta qorynyń, Dúnıejúzilik Banktiń, sheteldik ortalyq jáne ınvestıtsııalyq bankterdiń basshylarymen birqatar kelissózder júrgizdi.

E. Dosaevtyń HVQ-nyń jańa dırektory-basqarýshysy K. Georgıevamen kezdesýi ótti, kezdesý barysynda taraptar Qazaqstan ekonomıkasy úshin jahandyq makroekonomıkalyq ahýalǵa jáne ártúrli ishki jáne syrtqy faktorlardyń áser etý jaǵdaılarynda syn-qaterler men múmkindikterdi talqylady.

Ulttyq Bank Tóraǵasy Kavkaz jáne Ortalyq Azııa elderiniń qarjy mınıstrleri men ortalyq bank basqarýshylarynyń alqaly pikirtalasyna qatysty. Óz sózinde E.Dosaev qatysýshylarǵa Ulttyq banktiń qaıta uıymdastyrylýy jáne retteýshiniń qadaǵalaý qyzmetine táýekeldik-baǵdarly tásildi engizýi týraly aıtty. Іs-shara aıasynda HVQ basshylyǵy Ortalyq Azııa, Kavkaz jáne Mońǵolııa elderine arnalǵan HVQ-nyń bolashaq Óńirlik tehnıkalyq qoldaý ortalyǵyn oqshaýlaý úshin úmitker qalalardy qarastyrý nátıjesinde tańdaý Almaty qalasynyń enshisine túskeni týraly habarlady.

Vashıngtondaǵy sapary aıasynda Ulttyq Bank Tóraǵasy E. Dosaev EQQDB Prezıdenti S. Chakrabartımen kezdesý ótkizip, onymen respýblıkanyń halyqaralyq damý ınstıtýtymen yntymaqtastyǵynyń túrli aspektilerin talqylady. Sonymen qatar, E.Dosaev Dúnıejúzilik banktiń Eýropa jáne Ortalyq Azııa boıynsha vıtse-prezıdenti S.Mıýllermen kezdesti.

Kelissózder barysynda taraptar makroekonomıkalyq saıasat taqyryptaryn qozǵady, ekonomıkany nesıelendirýdi arttyrý múmkindikterin, sondaı-aq aqsha-nesıe jáne fıskaldyq saıasatty jetildirý máselelerin talqylady. Ulttyq bank basshysy Qazaqstannyń halyqaralyq qarjy korporatsııasymen yntymaqtastyǵyn osy uıymnyń basshysy F. Le Ýermen talqylady.

Sapar barysynda E. Dosaev Mastercard Tóraǵasynyń orynbasary M. Fromanmen, VISA International memlekettik bılik organdarymen ózara is-qımyl jónindegi aǵa vıtse-prezıdenti D. Marantıspen kelissózder júrgizdi.

Óz kezeginde Ulttyq bank basshysy J. P. Morgan Chase International Basqarma Tóraǵasy ıA. Frenkelmen Qazaqstanda J. P. Morgan fılıalyn ashý múmkindigin talqylady. Sondaı-aq Vashıngtonda E. Dosaevtyń Anglııa Banki Tóraǵasynyń orynbasary S. Výdspen, Kanada Banki Tóraǵasynyń Birinshi orynbasary K. Ýılkınspen, Citigroup Bas atqarýshy dırektory D. Lıvıngstoýmen jáne Nıý-Iork ýnıversıtetiniń ekonomıka jáne quqyq professory, Anglııa bankiniń burynǵy basshysy M. Kıngpen kezdesýleri ótti.

Joǵary qaraı