Aýa raıy
Astana 7 °S
Almaty 6 °S
valıýta baǵamy
USD 389.59
EUR 429.06
RUB 6.05
CNY 55.07

QR Prezıdenti Elızabet Tursynbaevany jeńisimen quttyqtady

2019 jyldyń 22 naýryz 2019 22:05

ASTANA. QazAqparat - Qazaqstan Prezıdenti Qasym-Jomart Toqaev Álem chempıonatynda «kúmis» enshilegen mánerlep syrǵanaýshy Elızabet Tursynbaevany jeńisimen quttyqtady, dep habarlaıdy QazAqparat.

«Elızabet Tursynbaeva mánerlep syrǵanaýdan Álem chempıonatynyń kúmis júldegeri boldy! Tarıhta tuńǵysh ret tórt aınalym ádisin oryndady! Jaraısyń! Quttyqtaımyn!», - dep jazdy Q.Toqaev Twitter-degi paraqshasynda.

Aıta keteıik, sportshyny QR Mádenıet jáne sport mınıstri Arystanbek Muhamedıuly da quttyqtady.

«Álem chempıonatynda Elızabet álemde tuńǵysh ret tórt aınalymǵa sekirý elementin oryndady. Osy jeńispen Elızabetti, onyń ata-anasyn, bapkeri Eterı Týtberıdzeni shyn júrekten quttyqtaımyn! Barsha qazaqstandyqtardy bizdiń mánerlep syrǵanaýshymyzdyń sensatsııalyq jeńisimen quttyqtaımyn! Marapattaý rásimin qarap otyrmyz. Qýanyshtymyz!», - dep jazdy ol Facebook paraqshasynda.

Buǵan deıin habarlaǵanymyzdaı, Japonııanyń Saıtama qalasynda ótip jatqan mánerlep syrǵanaýdan Álem chempıonatynda qazaqstandyq Elızabet Tursynbaeva kúmis medal jeńip aldy.

Ol erkin baǵdarlamany tamasha oryndap, qorytyndyda 224,76 ball jınady. Sportshylardyń eń sońynan shyqqan E.Tursynbaeva eresekter arasyndaǵy álem chempıonatynda tuńǵysh ret tórt aınalymdyq salhov elementin oryndady. Muny shyn máninde tarıhı nátıje deýge bolady. Reseılik Alına Zagıtova 237,50 balmen álem chempıony atandy. Onyń otandasy Evgenııa Medvedeva 223,80 balmen úshinshi orynǵa kóterildi. Osylaısha, 19 jastaǵy Elızabet Tursynbaeva qyzdar arasynda Qazaqstannan alǵash ret Álem chempıonatynyń júldegeri atandy.

Jarys sońynda ótken baspasóz máslıhatynda sportshy qyz bul medal kútpegen júlde bolǵanyn atap ótti.

«Qazirgi qýanyshymda shek joq. Kúmis medal men úshin kútpegen júlde boldy. Osy sátke deıin bul elementti (tórttik salhov - avt.) taza oryndaǵanyma sene alar emespin. Tańerteńgi jattyǵý sátimen ótti. Sońǵy eki jarysta salhovty oryndaý barysynda qate jibergenimdi bilesizder. Mine, búgin taza oryndap shyqtym. Muz aıdynyna bet alǵan kezde ózimdi keremet sezingenmin. Sol sezim sońyna deıin joǵalǵan joq, - dep keltirdi Tursynbaevanyń sózin QR Ulttyq Olımpıadalyq komıteti.

Joǵary qaraı