Aýa raıy
Astana -7 °S
Almaty 15 °S
valıýta baǵamy
USD 389.98
EUR 434.01
RUB 6.10
CNY 55.04

QR Premer-Mınıstri Keńsesiniń basshysy taǵaıyndaldy

2019 jyldyń 26 naýryz 2019 09:12

NUR-SULTAN. QazAqparat - QR Premer-Mınıstri Keńsesiniń basshysy qyzmetine Ǵalymjan Qoıshybaev taǵaıyndaldy. Ony Premer-Mınıstr Asqar Mamın búgin Úkimet otyrysy aldynda tanystyrdy, dep habarlaıdy QazAqparat tilshisi.

«Úkimet qaýlysymen Qoıshybaev Ǵalymjan Telmanuly Premer-Mınıstr Keńsesiniń basshysy bolyp taǵaıyndaldy. Ǵalymjan Telmanuly Prezıdent ákimshiliginde, Syrtqy ister mınıstrligi júıesinde el úshin mınıstrdiń orynbasary bolyp kóp jyl boıy eńbek atqardy. Ǵalymjan Telmanulyna jańa qyzmette sáttilik tileımiz», - Asqar Mamın.

Ǵalymjan Telmanuly 1968 jyly 12 sáýirde Qyzylorda qalasynda dúnıege kelgen.

Bilim joǵarǵy, M.V.Lomonosov atyndaǵy Máskeý memlekettik ýnıversıteteti (1991j), Fılosofııa ǵylymdarynyń kandıdaty (1994j.)

Atqarǵan qyzmeti:

1991 - 1994 M.V.Lomonosov atyndaǵy Máskeý memlekettik ýnıversıtetiniń fılosofııa fakýltetiniń aspıranty.

1995 - 1997 Qazaqstan Respýblıkasynyń Reseı Federatsııasyndaǵy Elshiliginiń attashesi, úshinshi hatshysy.

1997 - 1998 Qazaqstan Respýblıkasynyń Reseı Federatsııasyndaǵy Elshiliginiń birinshi hatshysy, keńesshisi.

1998 - 2004 Qazaqstan Respýblıkasynyń Reseı Federatsııasyndaǵy Elshiliginiń Keńesshi-Ýákili.

2004 Qazaqstan Respýblıkasynyń Ujymdyq qaýipsizdik týraly sharty uıymynyń janyndaǵy Ókiletti ókili.

2004 - 2006 Qazaqstan Respýblıkasy Prezıdenti Ákimshiliginiń Bas ınspektory.

2006 - 2008 Qazaqstan Respýblıkasy Syrtqy ister mınıstrliginiń erekshe tapsyrmalar jónindegi Elshisi.

2008 - 2012 Qazaqstan Respýblıkasynyń Lıtva Respýblıkasyndaǵy Tótenshe jáne Ókiletti Elshisi, Qazaqstan Respýblıkasynyń Latvııa Respýblıkasyndaǵy, Estonııa Respýblıkasyndaǵy jáne Fınlıandııa Respýblıkasyndaǵy Tótenshe jáne Ókiletti Elshisi (qosa atqarýshy)

2012 - 2016 Qazaqstan Respýblıkasynyń Fınlıandııa Respýblıkasy men Estonııa Respýblıkasyndaǵy Tótenshe jáne Ókiletti Elshisi (qosa atqarýshy).

2016 jyldan bastap sońǵy taǵaıyndaýǵa sheıin Qazaqstan Respýblıkasy Syrtqy ister mınıstriniń orynbasary qyzmetin atqardy.

«Qurmet» ordeni, «Qurmet kresi» Latvııa Respýblıkasynyń memlekettik ordeni, Fınlıandııanyń Arystan ordeni (1-shi synyptaǵy Komandır), «Qurmet» ordeni, «Qazaqstan Respýblıkasynyń táýelsizdigine 20 jyl», «Qazaqstan Respýblıkasynyń táýelsizdigine 25 jyl», «Qazaqstan Respýblıkasynyń dıplomatııalyq qyzmetine 25 jyl», «Astana 20 jyl», mereıtoılyq medaldarmen marapattalǵan.

Joǵary qaraı