Aýa raıy
Astana 5 °S
Almaty 12 °S
valıýta baǵamy
USD 389.81
EUR 430.27
RUB 6.06
CNY 54.91

QR Kásipodaqtar federatsııasy Prezıdent laýazymyna óz kandıdatyn usyndy

2019 jyldyń 24 sáýir 2019 13:18

NUR-SULTAN. QazAqparat - QR Kásipodaqtar federatsııasy aldaǵy Prezıdenttik saılaýǵa óz kandıdatyn usyndy, dep habarlaıdy QazAqparat tilshisi.

«Negizi atqarý komıteti bizden eki adamnyń - Muhtar Tinikeev pen Amangeldi Taspıhovtyń kandıdatýrasyn usynǵan bolatyn. Búgin Muhtar Tinikeev saılaýǵa túsýden óz erkimen bas tartty», - dep habarlady QazAqparat tilshisine QR Kásipodaqtar federatsııasy Aqparattyq taldaý ortalyǵynyń dırektory Serikqalı Muqashev.

Óz kezeginde Muhtar Tinikeev saılaýǵa qatysýdan nelikten bas tartqanyn jazdy.

«Men ózdigimnen saılaýǵa túsýden bas tarttym. Sebebi, memlekettik tildi bilý deńgeıim osynaý mańyzdy laýazymda bolarlyqtaı jaqsy dep aıta almaımyn. Biraq, Kásipodaqtar federatsııasyndaǵy laýazymymda kóptiń úmitin aqtaýǵa ýáde beremin», - dedi Tinikeev.



null

Taspıhov Amangeldi Satybaldyuly 1959 jyly 20 qarashada Batys Qazaqstan oblysynda dúnıege kelgen. Lenın atyndaǵy Qazaq polıtehnıkalyq ınstıtýtyn ınjener-mehanık mamandyǵy boıynsha bitirgen.

Eńbek jolyn 1982 jyly Almaty kólik qurastyrý zaýytynda ınjener-tehnolog bolyp bastaǵan. Ár jyldary memlekettik qyzmette basshylyq laýazymdarda jumys atqaryp, bıznes-qurylymdarda da eńbek etken.

Batys Qazaqstan oblystyq máslıhatynyń, sondaı-aq QR Parlamenti Senaty men Májilisiniń depýtaty bolǵan. 2019 jyldan bastap Batys Qazaqstan oblysy kásipodaqtarynyń aýmaqtyq birlestiginiń tóraǵasy.

«Qurmet» ordenimen (2005 jyly), medaldarmen marapattalǵan.

Úılengen, eki balasy bar.

Aıta ketsek, aǵymdaǵy jyldyń 9 maýsymynda elimizde kezekten tys prezıdenttik saılaý ótedi.

Joǵary qaraı